અમદાવાદ
GCCIની ADRC કમિટી અને ICSI અમદાવાદ ચેપ્ટરના WIRC ના સંયુક્ત ઉપક્રમે કોર્પોરેટ ડિસ્ચ્યુટ રિઝોલ્યુશન: ઇવોલ્વિગ અ વે ફોરવર્ડ પર એક દિવસીય કોન્ફ્લેવ’24 નું આયોજન કરવામાં આવ્યું હતું. આ પ્રસંગે GCCI ના હોદ્દેદારો અને સભ્યો તેમજ ICSI અમદાવાદ ચેપ્ટરના WIRC ના હોદેદારો અને સભ્યો સહભાગી થયા હતા.ICSI અમદાવાદ ચેપ્ટરના WIRCના ચેરમેન CS યશ મહેતાએ તેમના સ્વાગત સંબોધનમાં, નેશનલ કંપની લો
ટ્રિબ્યુનલ (NCLT) ની રચનાના મહત્વ વિષે વાત કરી હતી, જેના કારણે ભારતમાં કોર્પોરેટ ગવર્નન્સ અને વિવાદના નિરાકરણ પર ખૂબ અસર કરી છે. કોર્પોરેટ લીગલ લેન્ડસ્કેપમાં NCLTની વિકસતી ભૂમિકા પર ચર્ચાના મહત્વ પર ભાર મૂકતા, તેમણે પેનલના તમામ સભ્યો અને મહેમાનોનું ઉષ્માભર્યું સ્વાગત કર્યું હતું.
ICSI ના WIRC ના સેન્ટ્રલ કાઉન્સિલ મેમ્બર (CCM) CS રાજેશ તારપરાએ NCLT અને અન્ય રેગ્યુલેટરી ફ્રેમવર્ક નેવિગેટ કરવામાં કંપની સેક્રેટરીઓની મહત્વની ભૂમિકા વિશે વાત કરી હતી. તેમણે ઉમેર્યું હતું કે કંપની સેક્રેટરીઓ તેમની કુશળતા અને કમ્પ્લાયન્સ અને કોર્પોરેટ ગવર્નન્સ બાબતોની સમજ માટે વધુ પ્રખ્યાત છે. તેમણે વધુમાં જણાવ્યું હતું કે કંપની સેક્રેટરીઓને હવે ટ્રેડમાર્ક એજન્ટ તરીકે કામ કરવાની પરવાનગી આપવામાં આવી છે અને તેમની વ્યાવસાયિક સેવાઓનું વિસ્તરણ કરવામાં આવ્યું છે. વધુમાં, તેમણે જાહેરાત કરી કે ઈન્સ્ટિટ્યૂટ ઑફ કંપની સેક્રેટરીઝ ઑફ ઈન્ડિયા (ICSI) નોઈડા ખાતે વૈકલ્પિક વિવાદ નિવારણ કેન્દ્ર (ADRC) શરૂ કરવા માટે તૈયાર છે, જેનો હેતુ મધ્યસ્થી, આર્બિટ્રેશન અને સમાધાન સેવાઓ પ્રદાન કરવાનો છે.
GCCIના માનદ ખજાનચી શ્રી સુધાંશુ મહેતાએ ઉલ્લેખ કર્યો કે કોર્પોરેટ વિવાદ, પછી તે બે કોર્પોરેટ એકમો વચ્ચે હોય, કે ગ્રાહકો સાથે હોય કે સરકાર સાથે હોય તે હંમેશા સમય માંગી લેતો અને ખર્ચાળ હોય છે. તે બિનજરૂરી રોડ બ્લોક છે. તેમણે ઉમેર્યું કે સારી નીતિઓ અને પ્રક્રિયાઓ આવા દાવાઓને ઘટાડવામાં મદદ કરી શકે છે.
GCCIના પ્રમુખ શ્રી સંદીપ એન્જીનીયરે ગુજરાત ચેમ્બર ઓફ કોમર્સ એન્ડ ઈન્ડસ્ટ્રી (GCCI) અને ધ ઈન્સ્ટીટ્યુટ ઓફ કંપની સેક્રેટરીઝ ઓફ ઈન્ડિયા (ICSI)ની WIRCની અમદાવાદ શાખા દ્વારા આયોજિત GCCI-NCLT કોક્લેવ 2024માં સહભાગીઓને આવકાર્યા હતા. તેમણે “કોરિટ ડિસ્ક્યુટ રિઝોલ્યુશન: ઇવોલ્વિગ એ વે ફોરવર્ડ” થીમ પર વધુ વિગતવાર વર્ણન કર્યું. તેમણે GCCI ના વૈકલ્પિક વિવાદ નિવારણ કેન્દ્ર (GCCI-ADRC) નો પરિચય આપ્યો જે આર્બિટ્રેશન, મધ્યસ્થી અને સમાધાન સેવાઓની વ્યાપક શ્રેણી પ્રદાન કરે છે. તેમણે કોક્લેવ માટે તેમનો કિંમતી સમય ફાળવવા બદલ તમામ આદરણીય મહેમાનો અને પેનલના સભ્યોનો આભાર માન્યો હતો. તેમણે GCCI ADRC કમિટીના ચેરમેન શ્રી મિતુલભાઈ શેલતને કોક્લેવના આયોજન માટે તેમના પ્રયાસો બદલ અભિનંદન આપ્યા હતા
GCCI ADRC કમિટીના ચેરમેન શ્રી મિતુલ શેલતે ભારતમાં કોર્પોરેટ અને સામાન્ય દાવાઓના વધતા જથ્થાને સંબોધવા માટે નિશ્ચિત ખર્ચ અને સમય-બાઉન્ડ શેડ્યૂલ સાથે સંસ્થાકીય લવાદની વધતી જતી જરૂરિયાત પર ભાર મૂક્યો હતો. તેમણે ન્યાયતંત્ર પરના બોજને ઘટાડવામાં મદદ કરીને સસ્તું આર્બિટ્રેશન, મધ્યસ્થી, સમાધાન અને અન્ય વિવાદ નિવારણ સેવાઓ પ્રદાન કરવામાં ADRCની ભૂમિકા પર વધુ પ્રકાશ પાડયો હતો. જેમ જેમ ઉદ્યોગો વિસ્તરે છે અને વિવાદો વધુ સામાન્ય બનતા જાય છે તેમ, ADRC તેની પ્રેક્ટિસને રિફાઇન કરવા, મધ્યસ્થતાને vપ્રોત્સાહન આપવા અને વ્યવસાયો અને સમાજની વિકસતી જરૂરિયાતોને પહોંચી વળવા સક્ષમ અને પારદર્શક વિવાદ નિરાકરણ માટે બેન્ચમાર્ક સેટ કરવા માટે પ્રતિબદ્ધ છે.
“NCLTમાં પ્રેક્ટિસના ક્ષેત્રો” પરની પેનલ ચર્ચા ખુબ જ રસપ્રદ હતી, જેમાં CS (IP) રવિ કપૂર, પ્રેક્ટિસિંગ કંપની સેક્રેટરી અને ઇન્સોલ્વન્સી પ્રોફેશનલ સહિત પ્રતિષ્ઠિત પેનલિસ્ટો હતા; એડવોકેટ નિપુન સિંઘવી, NSA લીગલ ખાતે
મેનેજિંગ પાર્ટનર; એડવોકેટ અર્જુન શેઠ, અર્જુન શેઠ એન્ડ એસોસિએટ્સના સ્થાપક; અને એડવોકેટ નૂપુર દલાલ,ઠક્કર અને દલાલ એડવોકેટ્સના ભાગીદાર. સીએસ પાર્શ્વ શાહ, પ્રોગ્રામ ડાયરેક્ટર અને MCM દ્વારા સત્રનું નિપુણતાથી સંચાલન કરવામાં આવ્યું હતું. ચર્ચા દરમિયાન આવરી લેવામાં આવેલા મુખ્ય વિષયોમાં કોર્પોરેટ ગવર્નન્સ અને શેરહોલ્ડર્સના વિવાદો, કોર્પોરેટ નાદારીના ઠરાવમાં NCLTની ભૂમિકા, મર્જર, એક્વિઝિશન અને કોર્પોરેટ રિસ્ટ્રક્સચરિંગ, નાદારી અને IBC અને NCLT અને ADRની પ્રક્રિયાઓનો સમાવેશ થાય છે.
ગુજરાત હાઈકોર્ટના માનનીય નિવૃત્ત ન્યાયાધીશ શ્રી પી.પી. ભટ્ટ, સિનિયર વકીલ ધવલ દવે, સિનિયર વકીલ દેવાંગ નાણાવટી અને સિનિયર વકીલ ઉન્મેષ શુક્લાની આગેવાની હેઠળ ‘વૈકલ્પિક વિવાદ નિરાકરણ પર પેનલ ચર્ચા
એટલી જ રસપ્રદ હતી. સત્રનું સંચાલન એડવ. GCCI ખાતે ADRC કમિટીના ચેરમેન અને ગુજરાત હાઈકોર્ટના મિતુલભાઈ શેલત દ્વારા કરવામાં આવ્યું હતું. ચર્ચા દરમિયાન કન્સીલિએશનનો પરિચય, સમાધાનની પ્રક્રિયા અનેએડ-હોક આર્બિટ્રેશન અને સંસ્થાકીય આર્બિટ્રેશન વચ્ચેના તફાવતો વિષે ચર્ચા કરવામાં આવી હતી.ICSIના WIRCના અમદાવાદ ચેપ્ટરના સેક્રેટરી CS જયમીન ત્રિવેદીએ આભારવિધિ બાદ કાર્યક્રમનું સમાપન કર્યું હતું.