નવી દિલ્હી
આર્કટિક મહાસાગર માં સબમરિન અને યુદ્ધની અથડામણ બાદ બ્રિટન દ્વારા હવે રશિયાને યુદ્ધની ધમકી આપવામાં આવી છે. બ્રિટનનાં ચીફ ઓફ ડિફેન્સ સ્ટાફ એડમિરલ દ્વારા ચેતવણી આપવામાં આવી છે કે જો રશિયાએ પાણીની અંદર રહેલ મહત્વપુર્ણ કોમ્યુનિકેશન કેબલને કાપવાની કોશિશ કરી તો યુદ્ધની કાર્યવાહી માનવામાં આવશે. બ્રિટિશ સીડીએસ સર ટોની રેડકિન દ્વારા ચિંતા વ્યક્ત કરવામાં આવી છે કે રશિયાએ પાછલા ૨૦ વર્ષોમાં સબમરિન અને પાણી નીચેની મહત્વપુર્ણ ગતિવિધિઓમાં વધારો કર્યો છે. તેનાથી સમગ્ર દુનિયાનાં રિયલ ટાઇમ કોમ્યુનિકેશન સિસ્ટમ પડી શકે છે. હકીકતમાં સમુદ્રની અંદર પડી રહેલા કેબલ્સ દ્વારા જ સમગ્ર દુનિયામાં ઇન્ટરનેટ ચાલે છે અને તેમના દ્વારા જ કોમ્યુનિકેશન થાય છે. તો ચાલો જાણીએ કે સમુદ્રની અંદર પાથરવામાં આવેલા કેબલ્સ ની જાળ વિશે અને સમજીએ કે તે કેવી રીતે કામ કરે છે.
ઇન્ટરનેટ કનેક્શન માટે આપણે પોતાની જે ચારોતરફ જે કેબલ્સની જાળ અને તમામ પ્રકારના બોક્સની જાળ જોઈએ છીએ તે સમગ્ર દુનિયાને કનેક્ટ કરવા માટેનો નાનો હિસ્સો છે. ઇન્ટરનેટ કનેક્શન સ્પીડ ડેટા ટ્રાન્સફરની સાચી જાળ તો સમુદ્રમાં હજારો મીટર નીચે પાથરવામાં આવેલ છે. આ સમગ્ર જાળ સમગ્ર દુનિયાને એકબીજા સાથે કનેક્ટ કરે છે. કેબલ જાળની આ તસ્વીર થી તમે સમજી શકો છો કે દુનિયાના સમુદ્રની નીચે પાથરવાના કેબલ્સ દ્વારા કેવી રીતે વર્ચુઅલી કનેક્શન સ્થાપિત કરી શકાય છે.સમુદ્રની નીચે આ કેબલ્સની એક મોટી જાળ પાથરવામાં આવે છે. ૯૯% દુનિયામાં કોમ્યુનિકેશન અને ડેટા ટ્રાન્સફર સમુદ્રની નીચે પાથરવામાં આવેલા કોમ્યુનિકેશન કેબલ દ્વારા જ થાય છે. આ કેબલ્સ ને સબમરીન કોમ્યુનિકેશન કેબલ કહેવામાં આવે છે. હાલમાં સમુદ્રની નીચે અંદાજે ૪૨૬ સબમરીન કેબલ્સ છે, જેની કુલ લંબાઈ લગભગ ૧૩ લાખ કિલોમીટર છે. ગુગલ, માઇક્રોસોફ્ટ અને ફેસબુક જેવી મોટી ઇન્ટરનેટ કંપનીઓ તેને પાથરવાનું કામ કરે છે. તમામ ટેલિકોમ પ્રોવાઇડર પણ તેની ફંડિંગ નો હિસ્સો હોય છે.
આ કેબલ હજારો કિલોમીટર લાંબા હોય છે અને એવરેસ્ટ જેટલી ઉંડાઇ થી પણ વધારે નીચે પાથરવામાં આવેલા હોય છે. તેને એક ખાસ કેબલ લેયર્સ દ્વારા સમુદ્રની સપાટી પર પાથરવામાં આવે છે. ૧૦૦-૨૦૦ કિલો મીટર કેબલ સામાન્ય રીતે એક દિવસમાં પાથરવામાં આવે છે. તેમની પહોળાઈ ૧૭ કિલોમીટરની આસપાસ હોય છે. સેટેલાઇટ સિસ્ટમ ની તુલના સબમરીન ઓપ્ટિકલ ફાઈબર કેબલ ડેટા ટ્રાન્સફર માટે ખુબ જ સસ્તી પડે છે. તેનું નેટવર્ક પણ વધારે ફાસ્ટ હોય છે.
સમુદ્ર નીચે પાથરવામાં આવેલા કેબલને સૌથી વધારે ખતરો તો પ્રાકૃતિક આફતોથી હોય છે. વળી આ કેબલને સમુદ્રી જીવ થી પણ ખતરો રહે છે. તેના માટે તમામ ઉપાય પણ કરવામાં આવે છે. હાઈ પ્રેસર વોટર જેટ ટેકનોલોજી દ્વારા આ કેબલને સમુદ્રની અંદર દાટી દેવામાં આવે છે, જેથી કોઈ સમુદ્રી જીવ અથવા સબમરીન તેને નુકસાન ન પહોંચાડી શકે. ઘણી વખત સમુદ્રમાં રહેલી શાર્ક આ કેબલને ચાવવાની કોશિશ કરે છે. ત્યારબાદ કેબલ ઉપર શાર્ક પ્રુફ વાયર રેક પર લગાવવાના શરૂ કરવામાં આવેલ. આ કેબલને સમુદ્રની અંદર ઊંડાઈઓમાં વધારે પડતી ગતિવિધિઓ કરવાથી પણ નુકસાન પહોંચી શકે છે.એવું નથી કે ફક્ત એક કેબલ કાપવાથી સંપર્ક કપાઈ જશે. કારણ કે કંપની પાસે એક કેબલ નાં બદલામાં બીજા કેબલ નું બેકઅપ પણ હોય છે. જોકે તેનાથી કોમ્યુનિકેશન અને ઇન્ટરનેટની સ્પીડ ઉપર અસર પડે છે. ૨૦૧૬માં તામિલનાડુમાં આવેલ વાવાઝોડા ને લીધે સમુદ્રની નીચે પાથરવામાં આવેલ ઇન્ટરનેટનાં કેબલને નુકસાન પહોંચ્યું હતું, જેનાથી દેશના અમુક કિસ્સામાં એરટેલ નેટવર્ક ની સ્પીડ ઘટી ગઈ હતી. કંપનીએ ગ્રાહકોને આ બાબતમાં સુચના મોકલી હતી.