એક્યુટ રેટીંગ્સના એક અહેવાલમાં જણાવ્યું હતું કે તેનાથી ભારતીય અર્થવ્યવસ્થાને દરરોજ 4.5 અરબ ડોલર અથવા લગભગ 34 હજાર કરોડ રૂપિયાનું નુકસાન થઈ શકે છે. નોંધપાત્ર વાત એ છે કે વિશ્વમાં કોરોના વાયરસનો કહેર વધી રહ્યો છે અને તેના કારણે લગભગ એક તૃતીયાંશ દેશોમાં લોકડાઉનની સ્થિતિ છે. તેનાથી વિશ્વભરની અર્થવ્યવસ્થાને ઘણું નુકસાન થઈ રહ્યું છે.  દેશમાં કોરોના વાયરસના મામલાઓએ જોર પકડ્યું છે, જે ખૂબ જ ચિંતાનો વિષય છે. ગુરુવારે સવાર સુધીમાં કોરોના વાયરસના સકારાત્મક કેસોની સંખ્યા 2000 ને વટાવી ગઈ છે, જ્યારે આને કારણે 50થી વધુ લોકોનાં મોત નીપજ્યાં છે. ભારતમાં વડા પ્રધાન નરેન્દ્ર મોદીએ 24 માર્ચે પોતાના સંબોધન દ્વારા કોરોનાના પ્રકોપને ઘટાડવા માટે 14 મી એપ્રિલ સુધીમાં સંપૂર્ણ લોકડાઉન કરવાની જાહેરાત કરી હતી. લોકોના આવન-જાવન પર સંપૂર્ણ પ્રતિબંધ લાદવામાં આવ્યો છે. કેટલીક આવશ્યક ચીજવસ્તુઓ અને સેવાઓ ઉપરાંત, અન્ય તમામ વ્યવસાયો અને ઉદ્યોગો ઠપ્પ થઇ ગયા છે.  પર્યટન અને મુસાફરી, ખાદ્યપદાર્થો, રિયલ એસ્ટેટ જેવા ઉદ્યોગોને વધુ પડતું નુકસાન થયું છે. આ ઉદ્યોગોની ગ્રોસ વેલ્યૂ એડેડ એટલે કે GVA આશરે 22 ટકા જેટલું યોગદાન છે. તેના કારણે, ઘણી રેટિંગ એજન્સીઓએ અનુમાન લગાવ્યું છે કે ભારતની જીડીપી ક્વાર્ટરમાં એટલે કે એપ્રિલથી જૂન ક્વાર્ટરમાં માત્ર 2 થી 3 ટકા વૃદ્ધિ પામી શકે છે, જ્યારે માર્ચ ક્વાર્ટરમાં જીડીપી વૃદ્ધિદર 5 ટકાની આસપાસ રહેવાનો હોવાનો અંદાજ છે.