એન્ફોર્સમેન્ટ ડિરેક્ટોરેટે દિલ્હીમાં આમ આદમી પાર્ટીના નેતા અને ભૂતપૂર્વ મંત્રી સૌરભ ભારદ્વાજના ઘર સહિત ૧૩ સ્થળોએ દરોડા પાડ્યા છે. હોસ્પિટલ બાંધકામ કૌભાંડ અંગે આ કાર્યવાહી કરવામાં આવી છે. માહિતી આપતાં ઇડી અધિકારીઓએ જણાવ્યું હતું કે હોસ્પિટલ બાંધકામમાં અનિયમિતતાઓ સંબંધિત મની લોન્ડરિંગ કેસમાં એન્ફોર્સમેન્ટ ડિરેક્ટોરેટની એક ટીમે આમ આદમી પાર્ટીના નેતા સૌરભ ભારદ્વાજના નિવાસસ્થાને દરોડા પાડયા છે. માહિતી માટે, અમે તમને જણાવી દઈએ કે દિલ્હી અને તેની આસપાસના ૧૩ સ્થળોએ ઝના દરોડા ચાલી રહ્યા છે.
૨૪ જૂને, લેફટનન્ટ ગવર્નર વીકે સક્સેનાએ AAP સરકારમાં આરોગ્ય મંત્રી રહેલા સત્યેન્દ્ર જૈન અને સૌરભ ભારદ્વાજ સામે હજારો કરોડથી વધુના કથિત હોસ્પિટલ કૌભાંડની તપાસને મંજૂરી આપી હતી. ભાજપના નેતા વિજેન્દ્ર ગુપ્તાએ રર ઓગસ્ટ ૨૦૨૪ ના રોજ તપાસ માટે ફરિયાદ નોંધાવી હતી. આમાં. તત્કાલીન મંત્રી સૌરભ ભારદ્વાજ અને સત્યેન્દ્ર જૈન પર આરોગ્ય વિભાગમાં મિલીભગત અને ભ્રષ્ટાચારનો આરોપ મૂકવામાં આવ્યો હતો. આમ આદમી પાર્ટી (AAP) એ આ આરોપોને નકારી કાઢ્યા હતા.
એવો આરોપ છે કે ૨૦૧૮-૧૯ માં ૫૫૯૦ કરોડ રૂપિયાના ૨૪ હોસ્પિટલ પ્રોજેક્ટ્સ (૧૧ ગ્રીનફિલ્ડ અને ૧૩ બ્રાઉનફિલ્ડ) મંજૂર કરવામાં આવ્યા હતા. આમાં મોટા પાયે ગેરરીતિનો આરોપ છે. સપ્ટેમ્બર ૨૦૨૧ થી ૬ મહિનાની અંદર પ્રી-એન્જિનિયર્ડ સ્ટ્રક્ચર્સનો ઉપયોગ કરીને બાંધકામ માટે ૧૧૨૫ કરોડ રૂપિયાના ખર્ચે ૬૮૦૦ બેડની કુલ ક્ષમતા ધરાવતી ૭ ICU હોસ્પિટલોને મંજૂરી આપવામાં આવી હતી. ત્રણ વર્ષથી વધુ સમય પછી પણ, ૮૦૦ કરોડ રૂપિયાના ખર્ચે માત્ર ૫૦ ટકા કામ પૂર્ણ થયું હતું.
લોકનાયક હોસ્પિટલ ન્યૂ બ્લોક પ્રોજેક્ટને ૪૯૫.૫૨ કરોડ રૂપિયાના ખર્ચે મંજૂરી આપવામાં આવી હતી. ચાર વર્ષમાં, રૂ. ૧.૧૨૫ કરોડ ખર્ચવામાં આવ્યા, જે ખર્ચ કરતાં લગભગ ત્રણ ગણા છે. પોલીક્લીનિક પ્રોજેક્ટને રૂ. ૧૬૮.૫૨ કરોડના ખર્ચે મંજૂરી આપવામાં આવી હતી. ૯૪ પોલીક્લીનિક બનાવવાના હતા. પરંતુ પર બનાવવા માટે રૂ. ૨૨૦ કરોડ ખર્ચવામાં આવ્યા હતા. આરોગ્ય માહિતી વ્યવસ્થાપન પ્રણાલીના અમલીકરણમાં એક દાયકાથી વધુ સમય વિલંબ થયો હતો. અપારદર્શક નાણાકીય વ્યવહારોના કિસ્સાઓ હતા. મંત્રીઓએ વારંવાર ખર્ચ-અસરકારક ઉકેલોને નકારી કાઢ્યા, જેમાં NIC ની ઈ-હોસ્પિટલ સિસ્ટમનો સમાવેશ થાય છે.