કોઈ ખાસ કારણ હોય અથવા સાથે ફાવતું ન હોય તો જ છૂટાછેડા થાય તેવું રહ્યું નથી. હવે તો નાની નાની વાતોમાં પણ ક્યારેક તો સાંભળીને હેરાન થઈ જવાય તેવી વાતોમાં લોકો છૂટાછેડા લઈ લેતા હોય છે.
મુંબઈની એક મહિલા વકીલે આની પાછળ કેટલાક કારણો આપ્યા છે જે ઈન્ટરનેટ પર ચર્ચાનો વિષય બની ગયા છે. આ મહિલા વકીલની સાથે સાથે કન્ટેન્ટ ક્રિએટર પણ છે અને તેનું નામ તાન્યા અપચુ કૌલ છે. સૌથી રસપ્રદ કારણ એક મહિલાએ આપ્યું જેણે ફરિયાદ કરી હતી કે તેનો પતિ તેને ખૂબ પ્રેમ કરે છે અને ક્યારેક ઝગડતો નથી.
મહિલા વકીલ કૌલે જણાવ્યું કે, તેણે ઈન્સ્ટાગ્રામ પર કારણોની એક યાદી શેર કરી છે, જેના કારણે આજકાલ છૂટાછેડાના કેસ વધી ગયા છે. એક કિસ્સામાં પતિએ હનીમૂન દરમિયાન પત્નીનો ડ્રેસ વલ્ગર પહેર્યો હોવાથી છૂટાછેડા થયા હોવાનું તેમણે જણાવ્યું હતું. અન્ય એક કિસ્સામાં કારણ એ હતું કે પતિ યુપીએસીની તૈયારી કરી રહ્યો હતો અને તે પત્નીને પૂરતો સમય આપી શક્યો ન હતો. કેટલાક અન્ય કારણોમાં પત્ની તેના પતિના પગનો સ્પર્શ ન કરે અને પત્ની રસોઈ ન બનાવે તેવા પણ કારણો અપાયા હતા. આને કારણે
પતિએ ખાધા વગર ઓફિસ જવું પડ્યું હતું.
આ મહિલા વકીલની રીલ હવે વાયરલ થઇ રહી છે. ઈન્સ્ટાગ્રામ પર શેર થયા બાદથી આ રીલને 10 લાખથી વધુ લોકો જોઈ ચૂક્યા છે. રીલના કેપ્શનમાં મહિલા વકીલે લખ્યું છે કે, “મારો કહેવાનો મતલબ છે કે લગ્ન શા માટે કરવા? આ ટિપ્પણીઓ પણ ખૂબ જ રસપ્રદ રહી છે. એક વ્યક્તિએ લખ્યું હતું કે આજકાલ લગ્ન પહેલા કાઉન્સેલિંગ કરવું ખૂબ જ જરૂરી બની ગયું છે. અન્ય એક યુઝરે લખ્યું કે પુરુષો ફરિયાદ કરે છે કે પત્નીઓ તેમની વાત નથી માની રહી. મહિલાઓની એવી પણ ફરિયાદ છે કે પુરુષો તેમને પ્રેમ નથી કરતા.