૧ ફેબ્રુઆરીનું વચગાળાનું બજેટ નેશનલ પેન્શન સિસ્ટમ (NPS) પર સ્ટેટસ રિપોર્ટ રજૂ કરે તેવી શકયતા છે, એવુ આ બાબતથી વાકેફ લોકોએ જણાવ્યું હતું. નાણા સચિવ ટીવી સોમનાથનની આગેવાની હેઠળનું જૂથ જે યોજનાની સમીક્ષા કરી રહ્યું છે તે આ મહિનાના અંત સુધીમાં તેનો અહેવાલ સુપરત કરે તેવી શકયતા છે, એમ તેઓએ જણાવ્યું હતું.
આયોજિત ચર્ચાઓમાં પેનલે કેટલાક ફેરફારો અને બાંયધરી પર વિચાર કર્યો છે, પરંતુ તે રાજકોષીય બોજ ઉમેરવા અથવા જૂની પેન્શન યોજનામાં પાછા જવાની તરફેણમાં નથી, એમ લોકોએ ઉપર જણાવેલ છે. કેન્દ્ર કોઈપણ પગલાં લેતા પહેલા જાહેર સલાહ લઈ શકે છે.
એક અધિકારીએ ETને જણાવ્યું હતું કે, ફાઇનલ પ્રિન્ટ પર કામ કરવામાં આવી રહ્યું છે. જૂની પેન્શન સ્કીમ (OPS)ની સરખામણીમાં પેન્શનધારકોના એક વર્ગની ચિંતાઓને ધ્યાનમાં લઈને NPSને કેવી રીતે સુધારી શકાય તેના પર રિપોર્ટમાં ધ્યાન કેન્દ્રિત કરવામાં આવશે.
અહેવાલ પ્રિસ્ક્રિપ્ટિવ નહીં હોય અને કોઈપણ ફેરફારો, જો જરૂરી હોય તો, તેને રાજકોષીય અસર સામે તોલવામાં આવશે અને તે પછી જાહેર પરામર્શ માટે મૂકવામાં આવશે, અધિકારીએ ઉમેર્યું.
સરકારી કર્મચારીઓ માટે NPS હેઠળ પેન્શનના મુદ્દા પર ધ્યાન આપવા માટે કેન્દ્રએ ગયા વર્ષે એપ્રિલમાં પેનલની રચના કરી હતી. સમિતિને નાણાકીય બાબતોને ધ્યાનમાં રાખીને NPS પેન્શન લાભો સુધારવા માટેના પગલાં સૂચવવા માટે કહેવામાં આવ્યું હતું.
સશષા દળો સિવાય, ૧ જાન્યુઆરી, ૨૦૦૪ અથવા તે પછી કેન્દ્ર સરકારમાં જોડાનારા તમામ કર્મચારીઓ માટે NPS લાગુ કરવામાં આવ્યું છે. પેન્શન ફંડ રેગ્યુલેટરી એન્ડ ડેવલપમેન્ટ ઓથોરિટી (PFRDA) અનુસાર, તમિલનાડુ અને પશ્ચિમ બંગાળ સિવાયની તમામ રાજ્ય સરકારોએ કર્મચારીઓ માટે NPSને સૂચિત અને અમલમાં મૂકયું છે.
રાજસ્થાન, છત્તીસગઢ અને હિમાચલ પ્રદેશ જેવા કોંગ્રેસ શાસિત રાજ્યોએ જૂની વ્યાખ્યાયિત લાભ પ્રણાલીમાં પાછા જવાનું નક્કી કર્યા પછી NPS પરની ચર્ચા ગયા વર્ષે તેજ બની હતી, જેમાં સરકારી કર્મચારીઓને તેમના છેલ્લા પગારના ૫૦% માસિક પેન્શન તરીકે ઓફર કરવામાં આવ્યા હતા. તેનાથી વિપરીત, NPS એ નિર્ધારિત યોગદાન યોજના છે જેના દ્વારા કર્મચારી નિવળત્તિ માટે કોર્પસ એકઠા કરે છે. ત્યારપછી રાજસ્થાન અને છત્તીસગઢમાં ભાજપની સરકારો બની છે.
વિપક્ષે કહ્યું છે કે રાજ્ય સરકારના કર્મચારીઓને ઇક્વિટી માર્કેટની દયા પર છોડી શકાય નહીં જેમાં એનપીએસ ફંડનું રોકાણ કરવામાં આવે છે. જે રાજ્યોએ બ્ભ્લ્ પાછું લાવ્યું હતું તેઓએ NPS હેઠળ સંચિત કોર્પસનું રિફંડ પણ માંગ્યું હતું. કેન્દ્રએ આ વાતને ફગાવી દીધી અને કહ્યું કે હાલના કાયદા હેઠળ તે શકય નથી.
કેન્દ્રએ દલીલ કરી છે કે જૂની પેન્શન યોજના નાણાકીય રીતે ટકાઉ નથી કારણ કે તિજોરી પર બોજ સતત વધી રહ્યો છે, કારણ કે તેને બંધ કરવામાં આવી હતી.
રિઝર્વ બેંક ઓફ ઈન્ડિયા (RBI) અને કેટલાક અર્થશાષાીઓએ OPSને પુનઃસ્થાપિત કરવાનો વિરોધ કર્યો છે. તેઓ દલીલ કરે છે કે આવા પગલાથી રાજ્યોનું નાણાકીય સંતુલન ખોરવાઈ જશે.
સરકારે ગયા મહિને રાજ્યસભામાં જણાવ્યું હતું કે કેન્દ્ર સરકારના કર્મચારીઓના સંબંધમાં OPSને પુનઃસ્થાપિત કરવા માટે કોઈ પ્રસ્તાવ વિચારણા હેઠળ નથી.