ભારત અને બાંગ્લાદેશ વચ્ચે વોર્મ-અપ મેચ ન્યૂયોર્કના નાસાઉ કાઉન્ટી ઈન્ટરનેશનલ સ્ટેડિયમમાં રમાશે : સ્ટાર સ્પોર્ટ્સ નેટવર્ક પર જીવંત પ્રસારણ અને મોબાઈલ પર Hotstar પર જોઈ શકો છો : ભારત અને પાકિસ્તાનની નવ જૂનની મેચમાં વરસાદની આગાહી
અમદાવાદ
T20 વર્લ્ડ કપ 2024ની શરૂઆત પહેલા ભારત અને બાંગ્લાદેશ વચ્ચે વોર્મ-અપ મેચ રમાશે.1 જૂન, શનિવારે ભારત અને બાંગ્લાદેશ વચ્ચે વોર્મ-અપ મેચ રમાશે. ભારતીય સમય અનુસાર આ મેચ સવારે 8.30 વાગ્યે શરૂ થશે.ભારત અને બાંગ્લાદેશ વચ્ચે વોર્મ-અપ મેચ ન્યૂયોર્કના નાસાઉ કાઉન્ટી ઈન્ટરનેશનલ સ્ટેડિયમમાં રમાશે.ભારતીય ટીમ IPL પછીની આ વોર્મ-અપ મેચમાં સારું પ્રદર્શન કરવા અને T20 વર્લ્ડ કપ પહેલા વેગ પકડવા ઈચ્છશે. બીજી તરફ બાંગ્લાદેશ પણ આ મેચ કોઈપણ ભોગે જીતવા ઈચ્છશે, જેથી તેનો આત્મવિશ્વાસ પણ વધી શકે.ભારતીય ટીમની આ મેચનું સ્ટાર સ્પોર્ટ્સ નેટવર્ક પર જીવંત પ્રસારણ કરવામાં આવશે. આ સિવાય જો તમે મોબાઈલ પર મેચની મજા માણવા માંગતા હોવ તો તમે તેને Hotstar પર જોઈ શકો છો.T20 વર્લ્ડ કપ દરમિયાન ભારતીય ટીમ પોતાની પ્રથમ મેચ 5 જૂને આયર્લેન્ડ સામે રમવાની છે. જો કે, આ પછી ટીમની સૌથી મોટી મેચ 9 જૂને થશે, જ્યારે ભારતીય ટીમ પાકિસ્તાન સામે રમશે. ન્યૂયોર્કના નવા બનેલા સ્ટેડિયમમાં બંને ટીમો વચ્ચે ટક્કર થવાની છે. જો કે ન્યુયોર્કમાં 9 જૂને વરસાદની આગાહી કરવામાં આવી રહી છે.