ગુજરાત વિધાનસભાની ચૂંટણીમાં 14 ટકા વોટ હાંસલ કરીને રાષ્ટ્રીય પાર્ટી બનેલી આમ આદમી પાર્ટીને ગુજરાતમાં લાંબા સમય બાદ સારા સમાચાર મળ્યા છે. પાર્ટીએ અમરેલી જિલ્લાની બગસરા APMCમાં જીત હાંસલ કરી છે. ગુજરાતના સહકારી ક્ષેત્રમાં ભારતીય જનતા પાર્ટીના સહકારી ક્ષેત્રના દિગ્ગજ દીલિપ સંઘાણીનું ગૃહ જનપદ છે. એટલું જ નહીં રાજકોટથી જીતેલા પરસોત્તમ રૂપાલાનું આ પોતાનું ક્ષેત્ર છે.અહી AAPની જીતથી પાર્ટીમાં ખુશીની લહેર છે. ગત દિવસોમાં દીલિપ સંઘાણીને ફરીથી IFFCOના અધ્યક્ષ બનાવવામાં આવ્યા હતા.
આમ આદમી પાર્ટીના નેતા કાંતિ સતાસિયા બિનહરીફ ચેરમેન બની ગયા છે. એવું લાગે છે કે, બગસરા APMCમાં કોંગ્રેસ-આમ આદમી પાર્ટીનું શાસન ચાલી રહ્યું છે. બગસરા APMCના અધ્યક્ષ પદ માટે કાંતિ સતાસિયા અને ઉપાધ્યક્ષ પદ માટે સંજય રફાલિયા બિનહરીફ ચૂંટાયા છે. એમ માણી શકાય છે કે સહકારી ક્ષેત્રમાં ભાજપ, કોંગ્રેસ અને આમ આદમી પાર્ટીમાં ધમાસાણ થવા જઇ રહ્યું છે.
APMC બગસરામાં સંખ્યાબળની વાત કરીએ તો કોંગ્રેસ અને આમ આદમી પાર્ટીના 9 અને ભાજપના 6 સભ્ય હતા. તેના કારણે AAP નેતા કાંતિ સતાસિયાએ જીત હાંસલ કરી છે. તેઓ ચેરમેન તરીકે ચૂંટાયા. વાઇસ ચેરમેનની ચૂંટણી પણ બિનહરીફ થઈ. સતાસિયા ધારી વિધાનસભાથી આમ આદમી પાર્ટીના ઉમેદવાર તરીકે ચૂંટણી લડી ચૂક્યા છે. APMC બગસરાના અધ્યક્ષ તરીકે ચૂંટાયેલા કાંતિ સતાસિયા વિધાનસભાની ચૂંટણીમાં બીજા નંબર પર રહ્યા હતા. તેમને 37,749 હજાર વોટ મળ્યા હતા. તેઓ 8717 વૉટથી જયસુખ કાકડિયા સામે હારી ગયા હતા. હવે સતાસિયાએ મજબૂત વાપસી કરતા બગસરા બજાર સમિતિના ચેરમેન પદ પર કબજો કર્યો છે.
આમ આદમી પાર્ટીના પ્રદેશ અધ્યક્ષ ઇસુદાન ગઢવીએ સતાસિયાની જીત પર ખુશી વ્યક્ત કરી છે. લોકસભાની ચૂંટણીમાં આમ આદમી પાર્ટી ગુજરાતમાં કોંગ્રેસ સાથે મળીને લડી હતી. આમ આદમી પાર્ટીને ચૂંટણીઓમાં 2.69 ટકા વોટ મળ્યા હતા. પાર્ટીએ 2 લોકસભા સીટ પર ચૂંટણી લડી હતી. તેને કુલ 7 લાખ 75 હજાર 321 વોટ મળ્યા હતા. ભરૂચની સીટ પર આમ આદમી પાર્ટીએ ભાજપને સખત ટક્કર આપી.