( PDF ડાઉનલોડ કરવા ઉપર આપેલી લીંક પર ક્લીક કરો )
રાજ્ય સરકારમાં ગાંધીનગર મહાનગર પાલિકાની સાત ખાસ સમિતિઓની દરખાસ્તને મંજૂરી બાકી હોવા છતાં આંતરિક ગજગ્રાહને ઠારવા માટે ખોટી રીતે ચેરમેન – વાઈસ ચેરમેન સહીતની જાહેરાત અંગે ગુજરાત પ્રદેશ કોંગ્રેસ સમિતિના મીડિયા કન્વીનર અને પ્રવક્તા ડૉ. મનીષ દોશીએ ભાજપાની લુંટ નીતિ પર પ્રહાર કરતા જણાવ્યું હતું કે, રાજ્યની આઠ મહાનગર પાલિકામાં ભાજપાના શાસકો શહેરી નાગરિકોને લુંટી રહ્યા છે. મહાનગર પાલિકાના સેવાસદનો ભાજપા શાસકોએ મેવાસદન બનાવી દીધા છે. ગાંધીનગર મહાનગરપાલિકામાં ભાજપા દ્વારા જાહેર કરવામાં આવેલ કમિટીઓનું ગુજરાત મ્યુનીસીપલ એક્ટ મુજબ કોઈ મંજૂરી હજુ સુધી રાજ્ય સરકારે આપી નથી. ભાજપાના કોર્પોરેટરનો આંતરિક ગજગ્રાહ ચરમસીમા પર છે. જેને લીધે આવી ગોઠવણ જાહેર કરવામાં આવી હોય તેવું નગરજનો ચર્ચી રહ્યા છે. ભાજપા ગુજરાતના યુવાનોને સરકારી નોકરીની “લોલીપોપ” આપીને વર્ષોથી ગુજરાત અને ગુજરાતીઓ સાથે વિશ્વાસઘાત કરી રહી છે. હવે તો ભાજપા પોતાના પક્ષના ચૂંટાયેલા કોર્પોરેટરોને પણ સરકાર દ્વારા મંજુર ના થયેલ કમિટીઓના ચેરમેન અને અન્ય પદ જાહેર કરે છે. મંજૂરી વગરની કમીટીના પદ શું છેતરપીંડી નથી ?
ભાજપા શાસિત આઠ મહાનગરોમાં મોટા પાયે ભ્રષ્ટાચારના કેન્દ્રો છે. જેમાં શહેરી નાગરિકો ઉંચા કરવેરાના બોજ નીચે લુંટાઈ રહ્યા છે.
ગુજરાતમાં ભાજપાના ભ્રષ્ટાચારી લુંટ મોડેલના કારણે સુરતના તક્ષશિલાકાંડ, વડોદરામાં હરણી બોટકાંડ, રાજકોટમાં ટી.આર.પી. ગેમઝોન કાંડ, મોરબીમાં જુલતા પુલ કાંડમાં મોટા પાયે નિર્દોષ નાગરિકો – બાળકોએ જીવ ગુમાવવા પડ્યા છે.
અમદવાદ મ્યુનીસીપલ કોર્પોરેશનના ભાજપાના પ્રભારીને મુક્ત કરવા પાછળ પણ મોટા ભેદભરમ છે. ભાજપાના પ્રભારી સાથે હિસ્સેદારીમાં ક્યાં વાંધો પડ્યો, તે ભાજપાએ જણાવવું હોઈએ. કોના ઈશારે રાતોરાત આ નિર્ણય પાછળ પણ ભાજપાની આંતરિક ખેંચતાણ ફરી એક વખત સપાટી પર આવી છે.
રાજ્યના બે કરોડ કરતા વધુ શહેરી નાગરિકોએ પાસે થી વસુલતા આડેધડ કરના નાણા સામે બેફામ લુંટ ચલાવતા ભાજપાના શાસકોએ ગુજરાતની જનતાને હિસાબ આપે કે ક્યારે પાયાની સુવિધા આપવામાં આવશે ? ક્યારે ગેરકાયદેસર બાંધકામ પર રોક લગાડવામાં આવશે ? ભયયુક્ત ભ્રષ્ટાચારમાંથી નાગરિકોને ક્યારે મુક્તિ આપશે ?
( ડૉ. મનિષ એમ. દોશી )
મીડિયા કન્વીનર અને પ્રવક્તા
Mob : 9426001599