છેલ્લા 24 કલાકમાં બિહારના છ જિલ્લામાં વીજળી પડવાથી 12 લોકોના મોત થયા છે, જેના પર મુખ્યમંત્રીએ ઊંડો શોક વ્યક્ત કર્યો છે. મૃતકોના પરિવારજનો માટે પ્રત્યેકને 4 લાખ રૂપિયાની નાણાકીય સહાયની જાહેરાત કરવામાં આવી છે. મુખ્યમંત્રીએ લોકોને ખરાબ હવામાનમાં સાવધ રહેવા અને આપત્તિ વ્યવસ્થાપનની માર્ગદર્શિકાનું પાલન કરવાની અપીલ કરી છે. વીજળી પડવાથી બક્સરમાં ચાર, પશ્ચિમ ચંપારણમાં ત્રણ, કટિહારમાં બે અને કૈમૂર, લખીસરાય અને સીતામઢીમાં એક-એક વ્યક્તિના મોત થયા છે. મુખ્યમંત્રીએ કહ્યું કે, આ આફતની ઘડીમાં તેઓ અસરગ્રસ્ત પરિવારોની સાથે છે. તેમણે નિર્દેશ આપ્યો કે ઘટનામાં માર્યા ગયેલા લોકોના પરિવારોને પ્રત્યેકને 4 લાખ રૂપિયાની સહાય આપવામાં આવશે. મુખ્યમંત્રીએ લોકોને ખરાબ હવામાન દરમિયાન ખૂબ જ સાવધાની રાખવા અપીલ કરી હતી. ખરાબ હવામાનના ઘટનામા, વીજળીથી પોતાને બચાવવા માટે આપત્તિ વ્યવસ્થાપન વિભાગ દ્વારા સમયાંતરે આપવામાં આવતા સૂચનોનું પાલન કરવા અપીલ કરી હતી.