જાતીય સતામણીના ભોગ બનેલી વિદ્યાર્થિનીના મૃત્યુના વિરોધમાં ગુરુવારે ઓડિશામાં વિપક્ષે બંધનું એલાન આપ્યું હતું. ભદ્રકમાં પ્રદર્શનકારીઓએ ટ્રેન રોકી હતી. ભુવનેશ્વરમાં બસો રોકી દેવામાં આવી હતી. મુસાફરોને ઘરે પગપાળા જવું પડ્યું હતું. ભદ્રક જિલ્લામાં ચેન્નાઈ-કોલકાતા હાઇવે પર ટાયરો સળગાવવામાં આવ્યા હતા. તેના કારણે ટ્રકોની લાંબી લાઈન લાગી ગઈ હતી. આસપાસની ઘણી દુકાનો બંધ રાખવામાં આવી હતી. બજારમાં શાંતિ છવાઈ ગઈ હતી. મયુરભંજમાં પણ લોકો વિરોધ કરવા માટે રસ્તા પર ઉતરી આવ્યા હતા. આ વિરોધ પ્રદર્શનમાં કોંગ્રેસ સહિત 8 વિપક્ષી પક્ષોએ ભાગ લીધો હતો. આ વિરોધ પ્રદર્શનમાં બીજૂ જનતા દળ, ભારતીય કમ્યુનિસ્ટ પાર્ટી માર્ક્સવાદી સીપીઆઈ(એમ), સમાજવાદી એકતા કેન્દ્ર (એસયુસીઆઈ) ના નેતાઓ અને કાર્યકરો પણ જોવા મળ્યા હતા. 12 જુલાઈના રોજ ઓડિશાના બાલાસોરમાં ફકીર મોહન ઓટોનોમસ કોલેજની એક વિદ્યાર્થીનીએ ઉત્પીડનથી કંટાળીને પોતાને આગ લગાવી દીધી. તેણે તાત્કાલિક એઈમ્સમાં દાખલ કરવામાં આવી હતી જ્યાં 20 વર્ષીય વિદ્યાર્થીનીનું 14 જુલાઈના રોજ મૃત્યુ થયું હતું.
રાષ્ટ્રપતિ દ્રૌપદી મુર્મુએ 14 જુલાઈના રોજ એઈમ્સના બર્ન યુનિટની મુલાકાત લીધી હતી અને પીડિતાને મળ્યા હતા. રાષ્ટ્રપતિ દીક્ષાંત સમારોહમાં હાજરી આપવા માટે ભુવનેશ્વર એઈમ્સ પહોંચ્યા હતા. તેમણે પીડિત પરિવારને શ્રેષ્ઠ શક્ય સારવારની ખાતરી આપી હતી. જોકે, તે જ દિવસે વિદ્યાર્થીનું મૃત્યુ થયું હતું. આ છોકરી ફકીર મોહન કોલેજમાં ઇન્ટિગ્રેટેડ બીએડ કોર્સના બીજા વર્ષની વિદ્યાર્થીની હતી. 12 જુલાઈના રોજ, વિભાગના વડા (HoD) દ્વારા હેરાનગતિ કરવામાં આવતા તેણે કોલેજ કેમ્પસમાં પોતાના પર કેરોસીન છાંટીને આત્મહત્યા કરી લીધી હતી. ઘટના પહેલા, તે પ્રિન્સિપાલ પાસે ગઈ હતી, પરંતુ પ્રિન્સિપાલે તેણીને ફરિયાદ પાછી ખેંચવા કહ્યું. આ પછી, તેણે આત્મહત્યા કરી. વિદ્યાર્થિનીને પહેલા બાલાસોર જિલ્લા હોસ્પિટલમાં દાખલ કરવામાં આવી હતી. ત્યાંથી, ડોક્ટરોએ તેને ભુવનેશ્વર એઈમ્સ રેફર કરી. ઓડિશા પોલીસે 12 જુલાઈના રોજ જ આરોપી હેડઓડી સમીર કુમાર સાહુની ધરપકડ કરી હતી. રાજ્ય સરકારે કોલેજના પ્રિન્સિપાલ દિલીપ ઘોષને સસ્પેન્ડ કરી દીધા હતા. જોકે, રાજ્યભરમાં વિરોધ પ્રદર્શનો વચ્ચે, પોલીસે 14 જુલાઈના રોજ પ્રિન્સિપાલની ધરપકડ કરી હતી.