જયપુર-અજમેર હાઇવે પર મોડી રાત્રે LPG સિલિન્ડરો ભરેલો એક ટ્રક કેમિકલ ભરેલા ટેન્કર સાથે અથડાયો. ત્યારબાદ સિલિન્ડરો એક પછી એક બ્લાસ્ટ થયા. આ અકસ્માતમાં એક વ્યક્તિ જીવતો બળી ગયો. અન્ય પાંચ લોકો ઘાયલ થયાના અહેવાલ છે. આ ઘટના દરમિયાન એક સળગતું સિલિન્ડર એક રેસ્ટોરન્ટની અંદર પડ્યું, જેના કારણે અરાજકતા ફેલાઈ ગઈ. આ અકસ્માતમાં ટ્રકની નજીક પાર્ક કરેલા પાંચ વાહનો પણ બળી ગયા. ટ્રકમાં આશરે 330 સિલિન્ડર હતા, જેમાંથી આશરે 200 સિલિન્ડર બ્લાસ્ટ થયા હતા. જયપુર રેન્જના ઇન્સ્પેક્ટર જનરલ રાહુલ પ્રકાશે જણાવ્યું હતું કે રાત્રે 1 વાગ્યાની આસપાસ આગ પર કાબુ મેળવી લેવામાં આવ્યો હતો. જયપુર-અજમેર હાઇવે પર એક કેમિકલ ટેન્કર એલપીજી સિલિન્ડર ભરેલા ટ્રક સાથે અથડાયું. ટેન્કરના કેબિનમાં આગ લાગી. આગ સિલિન્ડરો સુધી પહોંચતા જ તેમાં વિસ્ફોટ થયો. એક પછી એક 200 સિલિન્ડર ફૂટ્યા. કેટલાક 500 મીટર દૂર ખેતરોમાં પડ્યા. વિસ્ફોટનો અવાજ 10 કિલોમીટર દૂર સુધી સંભળાયો. સિલિન્ડરો લગભગ બે કલાક સુધી વિસ્ફોટ થતા રહ્યા