ભાજપે ગુજરાતમાં શિક્ષણ વ્યવસ્થાને ઠીક કરવા માટે કંઈ કર્યું છે કે કેમ તે માટે આપ પાર્ટીના મનીષ સિસોદિયા સોમવારે ગુજરાતની સરકારી શાળાઓની મુલાકાત લેશે

આમ આદમી પાર્ટીના વરિષ્ઠ નેતા અને દિલ્હીના નાયબ મુખ્ય પ્રધાન મનીષ સિસોદિયાએ આજે દિલ્હીમાં પ્રેસ-કોન્ફરન્સ કરી હતી

……

મનીષ સિસોદિયાએ ગુજરાતના શિક્ષણ મંત્રીના નિવેદનને શરમજનક ગણાવીને ટ્વીટ કરીને તેની નિંદા કરી હતી, જેના પર લગભગ 4 લાખ લોકોએ પ્રતિક્રિયા આપી હતી.

નવી દિલ્હી

ગુજરાતમાં 27 વર્ષથી સત્તા પર રહેલા ભાજપના શાસનમાં ગુજરાતની શિક્ષણ વ્યવસ્થા જર્જરિત બની ગઈ છે. અને ગુજરાતની જનતા શિક્ષણ વ્યવસ્થા સુધારવાની માંગણી કરે છે ત્યારે શિક્ષણ મંત્રી જીતુભાઈ વાઘાણીએ ટ્વીટ કર્યું છે કે “જેને ગુજરાતની શિક્ષણ વ્યવસ્થા પસંદ નથી તેણે ગુજરાત છોડીને દિલ્હી જતું રહેવું જોઈએ”. આમ આદમી પાર્ટીના વરિષ્ઠ નેતા અને દિલ્હીના નાયબ મુખ્ય પ્રધાન મનીષ સિસોદિયાએ આજે પ્રેસ-કોન્ફરન્સ દરમિયાન કહ્યું કે જો ગુજરાતના શિક્ષણ મંત્રીમાં આટલો બધો અહંકાર હોય તો હું સોમવારે ગુજરાત જઈને જોઈશ કે છેલ્લા 27 વર્ષમાં ભાજપ સરકારે ગુજરાતની શાળાઓને ઠીક કરવા માટે કોઈ કામ કર્યું છે કે કેમ. ગુજરાતના શિક્ષણ મંત્રીના નિવેદનમાં જેમને સારું શિક્ષણ જોઈએ છે તેમણે ગુજરાત છોડીને બીજે ક્યાંક જવું જોઈએ. નોંધનીય છે કે મનીષ સિસોદિયાએ ગુજરાતના શિક્ષણ મંત્રીના નિવેદનને શરમજનક ગણાવીને ટ્વીટ કરીને તેની નિંદા કરી હતી, જેના પર લગભગ 4 લાખ લોકોએ પ્રતિક્રિયા આપી હતી.

સિસોદિયાએ ગુજરાતના શિક્ષણ મંત્રી જીતુ વાઘાણીને પ્રશ્ન કરતાં કહ્યું કે તેની સમાજ પ્રત્યેની દ્રષ્ટિ શું છે? શું સમાજ આ રીતે આગળ વધી શકશે? તેથી હું પોતે જઈને જોવા માંગુ છું કે ગુજરાતની શાળાઓમાં જો ભાજપે કામ ન કર્યું હોય તો ગુજરાતની જનતાએ મન બનાવી લીધું છે કે તેઓ ગુજરાતમાં અરવિંદ કેજરીવાલને તક આપશે અને તેઓ ત્યાં શિક્ષણ સુધારવા માટે કામ કરશે.