મહારાષ્ટ્રના મુંબઈમાં એક રહેણાંક બહુમાળી ઈમારતમાં અચાનક ભીષણ આગ ફાટી નીકળી હતી. આગ લાગતા જ સમગ્ર બિલ્ડિંગમાં અફરા તફડીનો માહોલ સર્જાયો હતો. મળતી માહિતી મુજબ, બિલ્ડિંગના ત્રીજા માળેથી શરૂ થયેલી આગ થોડી જ વારમાં 18મા માળે પહોંચી ગઈ હતી.આ ઘટના ડોમ્બિવલી પૂર્વમાં લોઢા પાલવા ટાઉનશીપના ફેઝ 2માં આવેલી કાસા ઓરેલિયા બિલ્ડીંગમાં બની હતી.
એવું કહેવામાં આવ્યું હતું કે આગ વધે તે પહેલા બિલ્ડિંગમાં રહેતા લોકોને સુરક્ષિત રીતે બહાર કાઢવામાં આવ્યા હતા. આ ઘટનામાં કોઈને ઈજા થવાના સમાચાર નથી.
આગ બપોરે 1:30 વાગ્યાની આસપાસ લાગી હતી. નીચેના માળે લાગેલી આગ ધીમે ધીમે 18માં માળ સુધી પહોંચી ગઈ હતી. મળતી માહિતી મુજબ, બિલ્ડિંગ હજુ પણ નિર્માણાધીન છે, જેના કારણે લોકો પહેલા ત્રણ માળે જ રહેતા હતા. તે તમામને સુરક્ષિત બહાર કાઢવામાં આવ્યા છે. માહિતી મળતાની સાથે જ પ્રથમ ફાયર બ્રિગેડની બે ગાડીઓ ઘટનાસ્થળે મોકલવામાં આવી હતી, પરંતુ આગ વધી જતાં વધુ 5-6 ગાડીઓ મોકલવામાં આવી હતી.
પ્રાથમિક માહિતી મુજબ, શોર્ટ સર્કિટના કારણે આગ લાગી હતી અને થોડી જ વારમાં ઉપરના માળ સુધી ફેલાઈ ગઈ હતી. તેનો વીડિયો પણ સામે આવ્યો છે જેમાં જોવા મળે છે કે બિલ્ડિંગ આગની લપેટમાં છે. ફાયર બ્રિગેડની ગાડીઓ ઘટના સ્થળે પહોંચી ગઈ છે અને આગ ઓલવવાની કામગીરી ચાલી રહી છે. આ ઘટનામાં હજુ સુધી કોઈ જાનહાનિના સમાચાર નથી.
ભારે જહેમત બાદ 3 વાગ્યાની આસપાસ આગ પર કાબુ મેળવી શકાયો હતો. તે જ સમયે, બિલ્ડિંગમાં આગનો વીડિયો સોશિયલ મીડિયા પર ઝડપથી વાયરલ થઈ રહ્યો છે. વીડિયોમાં જોઈ શકાય છે કે ઈમારતના આગળના ભાગમાં લગભગ તમામ માળ સળગતા જોવા મળે છે. ઉલ્લેખનીય છે કે આ અકસ્માતમાં કોઈ જાનહાનિ થઈ નથી.
તમને જણાવી દઈએ કે થોડા દિવસો પહેલા મુંબઈમાં આવી જ બીજી ઘટના સામે આવી હતી, જ્યાં ગિરગામ ચોપાટી વિસ્તારમાં એક બહુમાળી ઈમારતમાં આગ લાગી હતી. આ ઘટનામાં ઘણા લોકો દાઝી ગયા હતા અને ઘણા લોકો ગૂંગળામણને કારણે મૃત્યુ પામ્યા હતા.