કોલ્ડ ડ્રિંક્સથી સ્વાસ્થ્યને થતા જોખમો ઘણીવાર ચર્ચાનો વિષય બન્યા છે. જો કે તાજેતરના વીડિયોમાં નકલી કોકા કોલા પ્રોડક્શન યુનિટમાં કામ કરતા લોકોનું એક જૂથ મોટી માત્રામાં કોલ્ડ ડ્રિંક બ્રાન્ડનું ઉત્પાદન કરી રહ્યું છે. @enazator દ્વારા પોસ્ટ કરવામાં આવેલી ક્લિપમાં કામદારો કોલા સીરપ, પાણી અને ફૂડ કલર જેવા સહેલાઈથી ઉપલબ્ધ ઘટકો સાથે પીણું તૈયાર કરતા અને પછી તેને કોકા કોલા લેબલવાળી પ્લાસ્ટિકની બોટલોમાં રેડતા બતાવે છે.ઓનલાઈન વિવાદ પર ખુદ કોકા-કોલા કંપની મૌન છે.
નકલી બ્રાન્ડના વીડિયોએ ઓનલાઈન ભારે ચર્ચા જગાવી છે. ઘણા લોકોએ વીડિયો પર કોમેન્ટ કરી હતી. જેમાં એક યુઝરે કહ્યું, સાચું કહું તો કોકા-કોલા સિરપ જેવી દેખાય છે તે અલગ-અલગ હાથમાં સમાન ઝેર છે. અન્ય એક યુઝરે કહ્યું, આના જેવા 2, 3 વધુ વીડિયો બનાવો અને લોકો આપોઆપ તેનો બહિષ્કાર કરવાનું શરૂ કરી દેશે.ત્રીજા યુઝરે લખ્યું, પરંતુ તેઓ શા માટે આને મંજૂરી આપે છે? ભગવાનનો આભાર કે હું ઠંડા પીણા પીતો નથી.