રાજસ્થાનના બાડમેરમાંથી એક ચોંકાવનારો કિસ્સો પ્રકાશમાં આવ્યો છે. અહીં મોટોભાઈ નાનાભાઈની જગ્યાએ NEETની પરીક્ષા આપતો ઝડપાયો છે.પરીક્ષા મેનેજમેન્ટનો આરોપ છે કે તે ડુપ્લિકેટ ઉમેદવાર તરીકે પરીક્ષામાં આવ્યો હતો, જેની શંકાના આધારે પોલીસને બોલાવવામાં આવી હતી. હાલ પોલીસે બંને ભાઈઓની ધરપકડ કરી વધુ તપાસ હાથ ધરી છે.
ગત રવિવારે NEET UGની પરીક્ષા લેવામાં આવી હતી. આ માટે બાડમેરમાં 8 પરીક્ષા કેન્દ્રો બનાવવામાં આવ્યા હતા. આ ઘટના અંતરી દેવી સરકારી ઉચ્ચતર માધ્યમિક શાળામાં બની હતી. અહીં હાજર શિક્ષકને પરીક્ષા આપવા આવેલા એક ઉમેદવાર પર શંકા ગઈ હતી, ત્યારબાદ જ્યારે ચેકિંગ કરવામાં આવ્યું ત્યારે તે સાચો ઉમેદવાર હોવાનું જણાયું ન હતું. આ પછી પોલીસને બોલાવીને મામલાની જાણ કરવામાં આવી હતી.
માહિતી મળતા જ પોલીસ કાફલો ઘટના સ્થળે પહોંચી ગયો હતો. આ દરમિયાન પોલીસે તેની અટકાયત કરી હતી. આ પછી જ્યારે પોલીસ ટીમે છોકરાની પૂછપરછ કરી તો તેણે સમગ્ર સત્ય કબૂલ્યું હતું, આરોપી યુવકના જણાવ્યા અનુસાર તેનું નામ ભગીરથ રામ છે અને તે તેના નાનાભાઈ ગોપાલ રામની જગ્યાએ ડમી ઉમેદવાર તરીકે પરીક્ષા આપવા આવ્યો હતો. પરંતુ તે પહેલા જ ભગીરથ પકડાઈ ગયો હતો, ઘણા પ્રયત્નો પછી તેણે NEET પરીક્ષામાં સફળતા મેળવી હતી. તે ભગીરથ રામ જોધપુર મેડિકલ કોલેજનો પ્રથમ વર્ષનો વિદ્યાર્થી છે.
પોલીસના જણાવ્યા અનુસાર તપાસમાં જાણવા મળ્યું છે કે ભગીરથ રામ જે તેના નાનાભાઈની જગ્યાએ પરીક્ષા આપવા આવ્યો હતો, તેણે પોતે ઘણા પ્રયત્નો પછી ગયા વર્ષે લેવાયેલી NEET UG પરીક્ષામાં સફળતા મેળવી હતી અને જોધપુર મેડિકલ કોલેજમાં MBBSનો અભ્યાસ કરી રહ્યો છે. પોતાના નાનાભાઈને પણ ડોક્ટર બનાવવા માટે તે તેની જગ્યાએ નકલી ઉમેદવાર બનીને પરીક્ષા આપવા આવ્યો હતો પરંતુ તે પહેલા જ ઝડપાઈ ગયો હતો. હાલ પોલીસે આરોપી ભગીરથના ભાઈ ગોપાલ રામની પણ ધરપકડ કરી છે અને બંનેની પૂછપરછ કરી રહી છે.