સરકાર ૩ ગણી ઝડપી ગતિએ કામ કરી રહી છે : રાષ્ટ્રપતિ દ્રૌપદી મુર્મુ
ત્રીજા કાર્યકાળમાં મિશન મોડમાં, વિકસિત ભારતનો સંકલ્પ પૂર્ણ કરીશું : પીએમ મોદી
નવી દિલ્હી
આજે ૧૮મી લોકસભાના બજેટ સત્રનો પહેલો દિવસ છે. રાષ્ટ્રપતિ દ્રૌપદી મુર્મુ સંસદના બંને ગૃહો લોકસભા અને રાજ્યસભાના સંયુક્ત સત્રને સંબોધિત કરી રહ્યા છે.રાષ્ટ્રપતિ મુમુએ કહ્યું-સરકાર ૩ ગણી ઝડપી ગતિએ કામ કરી રહી છે. આજે દેશમાં મોટા નિર્ણયો અને નીતિઓનો અમલ અસાધારણ ગતિએ થઈ રહ્યો છે. મહિલાઓ, ખેડૂતો અને યુવાનોને પ્રથમ પ્રાથમિકતા આપવામાં આવી રહી છે. આ પહેલા પ્રધાનમંત્રી નરેન્દ્ર મોદીએ ગૃહની બહાર મીડિયાને સંબોધિત કર્યું હતું. પીએમએ કહ્યું-આ સત્રમાં ઘણા ઐતિહાસિક બિલ રજૂ કરવામાં આવશે. આ સત્રમાં દરેક મહિલાને સન્માનજનકજીવન મળે તે સુનિશ્ચિત કરવા માટે ઘણા મહત્વપૂર્ણ નિર્ણયો લેવામાં આવશે. રિફોર્મ, પર્ફોમ અને ટ્રાન્સફોર્મ કરીશું. સત્રના બીજા દિવસે એટલે કે ૧ ફેબ્રુઆરીએ નાણામંત્રી નિર્મલા સીતારમણ ૧૮મી લોકસભાનું પ્રથમ અને મોદી સરકારના ત્રીજા કાર્યકાળનું પ્રથમ બજેટ રજૂ કરશે. નાણામંત્રી તરીકે સીતારમણનું આ સતત આઠમું બજેટ હશે. ૨ ફેબ્રુઆરીએ રવિવાર હોવાથી રજા રહેશે. આ પછી, રાષ્ટ્રપતિના અભિભાષણ પર ૩ ફેબ્રુઆરીથી ૯ ફેબ્રુઆરી સુધી લોકસભા અને રાજ્યસભામાં ચર્ચા થશે. પ્રધાનમંત્રી મોદી ૬ ફેબ્રુઆરીએ જ રાજ્યસભામાં ચર્ચાનો જવાબ આપી શકે છે. આ યોજના વિદ્યાર્થીઓને ઉચ્ચ શિક્ષણ મેળવવામાં મદદ કરવા માટે શરૂ કરવામાં આવી હતી. તેમને ૫૦૦ કંપનીઓમાં ઇન્ટર્નશિપ પણ આપવામાં આવશે. પેપર લીક અટકાવવા માટે એક નવો કાયદો લાગુ કરવામાં આવ્યો છે. સરકારે ગ્રામ સડક યોજના માટે ૨૬ હજાર કરોડ રૂપિયા મંજૂર કર્યા છે. છેલ્લા ૬ મહિનામાં ૧૭ વંદે ભારત ઉમેરવામાં આવી છે. રાષ્ટ્રપતિ દ્રૌપદી મુર્મુ આજે સંસદના બજેટ સત્રના સંયુક્ત સત્રમાં અભિભાષણ કરશે. રાષ્ટ્રપતિ મુર્ગુ બગીમાં બેસીને સંસદ જવા રવાના થયા. ગયા વર્ષે પણ રાષ્ટ્રપતિ બગીમાં બેસીને સંસદમાં આવ્યા હતા. પીએમએ કહ્યું કે કદાચ ૨૦૧૪ પછી સંસદનું આ પહેલું સત્ર છે જેમાં એક કે બે દિવસ પહેલા કોઈ વિદેશી ચિનગારી નથી લાગી. વિદેશથી આગ ભડકાવવાનો કોઈ પ્રયાસ થયો નથી. હું ૨૦૧૪થી જોઈ રહ્યો છું કે દરેક સત્ર પહેલાં લોકો પરેશાન કરવા માટે તૈયાર બેઠા હોય છે. અહીં તેમને હવા આપનારાની કોઈ કમી નથી. આ પહેલીવાર છે કે આવો કોઈ પ્રયાસ થયો નથી. આ સત્રમાં ઘણા ઐતિહાસિક બિલો પર ચર્ચા કરવામાં આવશે. ધણા મહત્વપૂર્ણ નિર્ણયો લેવામાં આવશે. આપણે મહિલા શક્તિનું ગૌરવ સ્થાપિત કરવાનું છે. જ્યારે આજનો યુવા ૪૫-૫૦ વર્ષનો થશે, ત્યારે તે વિકસિત ભારતનો સૌથી મોટો લાભાર્થી બનશે. યુવા પેઢી માટે
આ એક મહાન ભેટ બનવા જઈ રહી છે. જેઓ ૧૯૩૦ અને ૧૯૪૨માં સ્વતંત્રતા સંગ્રામમાં જોડાયા હતા. આખી યુવા પેઢી ખપી ગઈ હતી. ૨૫ વર્ષ પછી આવેલી પેઢીને તેમના યોગદાનનું ફળ મળ્યું.દેશના લોકોએ મને ત્રીજી વખત આ જવાબદારી સોંપી છે અને આ ત્રીજા કાર્યકાળનું પહેલું પૂર્ણ બજેટ છે. હું વિશ્વાસ સાથે કહી શકું છું કે ૨૦૪૭માં જે સ્વતંત્રતાનું ૧૦૦મું વર્ષ હશે, વિકસિત ભારતનો સંકલ્પ આ બજેટ એક નવો વિશ્વાસ પેદા કરશે. નવી ઉર્જા આપશે. આઝાદીના ૧૦૦ વર્ષ પછી પણ દેશ વિકસિત થતો રહેશે. ૧૪૦ કરોડ દેશવાસીઓ પોતાના સામૂહિક પ્રયાસો દ્વારા પોતાનો સંકલ્પ પૂર્ણ કરશે. ત્રીજા કાર્યકાળમાં અમે ભૌગોલિક, સામાજિક અને આર્થિક મોરચે દેશના સર્વાંગી વિકાસ તરફ મિશન મોડમાં આગળ વધી રહ્યા છીએ.બજેટ સત્ર પહેલા મીડિયા સાથે વાત કરતા પીએમ મોદીએ કહ્યું- હું મા લક્ષ્મીને પ્રણામ કરું છું. આવા પ્રસંગોએ આપણે સદીઓથી દેવી લક્ષ્મીની પૂજા કરતા આવ્યા છીએ. માતા લક્ષ્મી આપણને સિદ્ધિ અને વિવેક આપે છે. સમૃદ્ધિ અને સુખાકારી પણ આપે છે. હું મા લક્ષ્મીને પ્રાર્થના કરું છું કે દેશના દરેક ગરીબ અને મધ્યમ વર્ગના સમુદાય પર મા લક્ષ્મીના વિશેષ આશીર્વાદ રહે.અમે આવાસ માટે નક્કર પગલાં લીધાં છે. પ્રધાનમંત્રી આવાસ યોજનાનો વિસ્તાર કરીને ૩ કરોડ વધારાના ધરો બનાવવામાં આવશે. ૫ લાખ ૩૯ કરોડ રૂપિયા ખર્ચ કરવામાં આવશે. અત્યાર સુધીમાં સ્વામિત્વ યોજના હેઠળ ૨.૨૫ કરોડ સ્વામિત્વ કાર્ડ જારી કરવામાં આવ્યા છે. ૭૦ લાખ છેલ્લા & મહિનામાં લાગુ કરાયા છે. ગયા મહિને કિસાન સન્માન નિધિ હેઠળ ૪૧ હજાર કરોડ રૂપિયાની રકમ ચૂકવવામાં આવી છે. આયુષ્માન હેઠળ ૭૦ વર્ષ અને તેથી વધુ ઉંમરના વરિષ્ઠ નાગરિકોને વીમો આપવાનો નિર્ણય લેવામાં
આવ્યો હતો. નાના ઉદ્યોગસાહસિકો માટે મુદ્રા લોનની મર્યાદા ૫ લાખ રૂપિયાથી વધારીને ૧૦ લાખ રૂપિયા કરવામાં આવી છે.