પાલીતાણામાં પ્રેમસંબંધમાં દીકરીનું ઓનરકિલિંગ થયું, લાશ સ્મશાનમાં સળગાવી

ભાવનગર

પાલીતાણા તાલુકાના રાણપરડા ગામમાં એક ચકચારી ઓનર કિલિંગની ઘટના સામે આવી છે, જેમાં 19 વર્ષીય યુવતીની તેના પિતા અને કાકાએ નિર્દયી રીતે હત્યા કરી નાંખી હતી. આ ઘટના 7મી માર્ચના રોજ સવારે 7થી 8 વાગ્યાના સમયગાળામાં બની હતી. જલ્પા રાઠોડ નામની યુવતી અન્ય જ્ઞાતિના યુવક સાથેના પ્રેમ સંબંધમાં હતી, જે તેના પરિવાર માટે ઈજ્જતનો સવાલ બની ગઈ હતી. પિતા દીપક ધીરુભાઈ રાઠોડ અને કાકા ભાવસંગ ઉર્ફે લાલજી રાઠોડે આ સંબંધને કારણે આ દીકરીનું ઓનર કિલિંગ કર્યુ હતું. ત્યારબાદ મૃતદેહને સ્મશાનમાં સળગાવી દીધો હતો. પોલીસે બંનેની ધરપકડ કરી છે. જલ્પાબેનને તેના પિતા સુરતથી રાણપરડા ગામે લાવ્યા હતા. ત્યાં કાકા ભાવસંગે પ્રથમ તેને માર માર્યો હતો. ત્યારબાદ પિતાએ તેની પુત્રીનું ગળું દબાવીને મોતને ઘાટ ઉતારી દીધી.