જૂનાગઢમાં એક વર્ષથી ફરાર જુગારી ઝડપાયો, ક્રાઇમ બ્રાન્ચે ગાંધી ચોક વિસ્તારમાંથી આરોપી નરેશ કોટકની ધરપકડ કરી

જૂનાગઢ

જૂનાગઢ ક્રાઇમ બ્રાન્ચે જુગારના કેસમાં એક વર્ષથી ફરાર આરોપીની ધરપકડ કરી છે. પોલીસ મહાનિરીક્ષક નિલેશ જાજડીયા અને પોલીસ અધિક્ષક ભગીરથસિંહ જાડેજાના માર્ગદર્શન હેઠળ આ કાર્યવાહી હાથ ધરવામાં આવી હતી. ક્રાઇમ બ્રાન્ચના પોલીસ ઇન્સપેક્ટર જે.જે. પટેલની આગેવાનીમાં પોલીસ ટીમને બાતમી મળી હતી. આ બાતમીના આધારે ગાંધી ચોક વિસ્તારમાંથી આરોપી નરેશ ઉર્ફે સોનુ ગ્યાનચંદભાઈ કોટક (ઉ.વ.40)ની ધરપકડ કરવામાં આવી હતી. આરોપી મધુરમ, પ્રિયંકા પાર્ક, જૂનાગઢનો રહેવાસી છે. બી ડિવિઝન પોલીસ સ્ટેશનમાં જુગારધારા કલમ 12-અ હેઠળ નોંધાયેલા કેસમાં આરોપી છેલ્લા એક વર્ષથી ફરાર હતો. આ સફળ કામગીરીમાં ક્રાઇમ બ્રાન્ચના પોલીસ ઇન્સપેક્ટર જે.જે. પટેલ, એએસઆઈ નિકુલ પટેલ, હેડ કોન્સ્ટેબલ વનરાજસિંહ ચુડાસમા, જિતેષ મારૂ અને કોન્સ્ટેબલ ચેતનસિંહ સોલંકી, દિપક બડવા અને દિપક ચૌહાણનો સમાવેશ થાય છે.