આંતરરાષ્ટ્રીય ક્રિકેટ કાઉન્સિલ (ICC) 2027-29 વર્લ્ડ ટેસ્ટ ચેમ્પિયનશિપ (WTC) મેચમાં નાના દેશો માટે ચાર દિવસની ટેસ્ટ મેચોને મંજૂરી આપવા માટે તૈયાર છે. પરંતુ ભારત, ઓસ્ટ્રેલિયા અને ઇંગ્લેન્ડ હજુ પણ પરંપરાગત પાંચ દિવસની મેચ રમી શકે છે. મળતી માહિતી મુજબ મેચોની સંખ્યા એક દિવસ ઘટાડવાનો નિર્ણય એક મહત્વપૂર્ણ ફેરફાર હશે અને નાના દેશોને વધુ ટેસ્ટ અને લાંબી અવધિની શ્રેણી રમવામાં મદદ કરશે.
ગયા અઠવાડિયે લોર્ડ્સમાં WTC ફાઇનલ દરમિયાન થયેલી ચર્ચામાં, ICC પ્રમુખ જય શાહે 2027-29 WTC ચક્ર માટે ચાર દિવસીય ટેસ્ટ માટે પોતાનો ટેકો વ્યક્ત કર્યો હતો. તેમાં કહેવામાં આવ્યું છે કે, ‘ઇંગ્લેન્ડ, ઓસ્ટ્રેલિયા અને ભારત હજુ પણ એશિઝ, વોર્ડર-ગાવસ્કર ટ્રોફી અને એન્ડરસન-તેંડુલકર ટ્રોફી માટે પાંચ દિવસની ટેસ્ટ શ્રેણી રમી શકશે. એન્ડરસન તેંડુલકર ટ્રોફી શુક્રવારે હેડિંગ્લી ખાતે ઇંગ્લેન્ડ અને ભારત વચ્ચેની પ્રથમ ટેસ્ટ મેચ સાથે શરૂ થશે.
આઈસીસીએ 2017માં દ્વિપક્ષીય મેચો માટે ચાર દિવસીય ટેસ્ટ મેચોને પહેલી વાર મંજૂરી આપી હતી. 2019 અને 2023માં આયર્લેન્ડ સામે ચાર દિવસીય ટેસ્ટ રમ્યા બાદ ઈંગ્લેન્ડે ગયા મહિને ટ્રેન્ટ બ્રિજ ખાતે ઝિમ્બાબ્વે સામે ચાર દિવસીય ટેસ્ટ રમી હતી. રિપોર્ટ અનુસાર, ‘ઘણા નાના દેશો સમય અને ખર્ચને કારણે ટેસ્ટ મેચોનું આયોજન કરવામાં રસ ધરાવતા નથી, પરંતુ ચાર દિવસીય ટેસ્ટ મેચો ત્રણ અઠવાડિયાથી ઓછા સમયમાં આખી ત્રણ ટેસ્ટ શ્રેણી રમવાની મંજૂરી આપશે.’ તેમાં કહેવામાં આવ્યું છે કે, ‘સમય બગાડ ટાળવા માટે, ચાર દિવસીય ટેસ્ટમાં રમવાનો સમય દરરોજ 10 ઓવરથી વધારીને ઓછામાં ઓછો 98 ઓવર કરવામાં આવ્યો છે.’