તમિલનાડુના તિરુચિરાપલ્લી જિલ્લામાં કદુર વિસ્તારમાં રહેતી 33 વર્ષીય સેલ્વા બ્રિન્દા નામની મહિલાએ રર મહિના સુધી સતત માતાના દૂધનું દાન કર્યું અને હજારો નવજાત બાળકોને તેનો લાભ મળ્યો.
હોસ્પિટલના અધિકારીઓના જણાવ્યા અનુસાર, બ્રિન્દાએ અત્યાર સુધીમાં 300 લિટરથી વધુ માતાનું દૂધ દાન કર્યું છે. આ દૂધ એવા નવજાત બાળકોને આપવામાં આવ્યું હતું જેઓ કાં તો સમય પહેલા જન્મ્યા હતા અથવા કોઈ ગંભીર બીમારીથી પીડાતા હતા. આવા બાળકોને જન્મ પછી માતાનું દૂધ મળી શકતું નથી. જે તેમના જીવન માટે ખૂબ જ મહત્વપૂર્ણ છે. પરંતુ બ્રિન્દાના આ યોગદાનને કારણે. આ બાળકોના જીવન બચાવી શકાયા.
બ્રિન્દાએ બધું દૂધ મહાત્મા ગાંધી મેમોરિયલ સરકારી હોસ્પિટલની મિલ્ક બેન્કમાં દાન આપ્યું. આ હોસ્પિટલ તિરુચિરાપલ્લીમાં છે અને અહીંની મિલ્ક બેંક એવા નવજાત શિશુઓ માટે દૂધ એકત્રિત કરે છે જેમને માતાનું દૂધ મળતું નથી.
હોસ્પિટલ પ્રશાસને બીજી એક ચોંકાવનારી માહિતી આપી. તેમણે જણાવ્યું કે નાણાકીય વર્ષ ૨૦૨૩-૨૪ દરમિયાન. આ મિલ્ક બેંકમાં દાનમાં આપેલા દૂધનો લગભગ ૫૦ ટકા ભાગ એકલા બ્રિન્દાએ દાન કર્યો હતો. એટલે કે આખા વર્ષમાં એકત્રિત થયેલા દૂધનો અડધો ભાગ ફક્ત એક મહિલા તરફથી આવ્યો હતો.
સેલ્વા બ્રિન્દાને આ ઉમદા કાર્ય માટે એક બિન-સરકારી સંસ્થા (એનજીઓ) દ્વારા પ્રેરણા મળી. જ્યારે તેણીએ પહેલી વાર સાંભળ્યું કે માતાના દૂધનું દાન કરવાથી ઘણા નવજાત બાળકોના જીવન બચી શકે છ
બ્રિન્દાના આ અનોખા યોગદાન અંગે એશિયા બુક ઓફ રેકોર્ડ્સ અને ઇન્ડિયા બુક ઓફ રેકોર્ડ્સમાં પણ સ્થાન મળ્યું હતું. આ સન્માન કોઈપણ સામાન્ય માણસ માટે ખૂબ મોટું છે. આટલી મોટી માત્રામાં માતાના દૂધનું દાન કરવું એ પોતાનામાં એક રેકોર્ડ છે.