ગુરુવારે એક અખબારી યાદીમાં વિદેશ મંત્રાલયે જાહેરાત કરી હતી કે ભારત અને ચીન ફરીથી સીધી ફ્લાઇટ્સ ફરી શરૂ કરવા સંમત થયા છે. આના થોડા સમય પછી, એરલાઇન ઇન્ડિગોએ 26 ઓક્ટોબરથી બંને દેશો વચ્ચે સીધી ફ્લાઇટ્સ ફરી શરૂ કરવાની જાહેરાત કરી. કોલકાતાથી ગુઆંગઝુ સુધી દૈનિક, નોન-સ્ટોપ ફ્લાઇટ્સ કાર્યરત થશે. એરલાઇને એવી પણ જાહેરાત કરી હતી કે દિલ્હી અને ગુઆંગઝુ વચ્ચે ટૂંક સમયમાં સીધી ફ્લાઇટ્સ શરૂ કરવામાં આવશે. ઇન્ડિગો તેના એરબસ A320neo એરક્રાફ્ટનો ઉપયોગ કરીને આ ફ્લાઇટ્સનું સંચાલન કરશે. 2020માં કોરોના મહામારીને કારણે ભારત અને ચીન વચ્ચે આ સેવા બંધ કરવામાં આવી હતી. ત્યારબાદ, ગલવાન અથડામણને કારણે બંને દેશો વચ્ચેના સંબંધો બગડ્યા હતા.
વિદેશ મંત્રાલયે જણાવ્યું છે કે ભારત-ચીન સંબંધોને ધીમે ધીમે સામાન્ય બનાવવા તરફ આ એક મોટું પગલું છે. આ ફ્લાઇટ્સ શિયાળાની ઋતુ દરમિયાન કાર્યરત રહેશે, પરંતુ આ બંને દેશોની એરલાઇન્સ તૈયાર છે અને તમામ નિયમોનું પાલન કરે છે તેના પર નિર્ભર રહેશે. બંને દેશોના હવાઈ સેવા અધિકારીઓએ ઘણા મહિનાઓની ટેકનિકલ ચર્ચાઓ પછી નિર્ણય લીધો છે કે ભારત અને ચીન વચ્ચે સીધી હવાઈ સેવાઓ ઓક્ટોબર 2025ના અંતથી ફરી શરૂ થશે. કોવિડ-19 રોગચાળા પછી, બંને દેશોના નાગરિકો થાઈલેન્ડ, સિંગાપોર અથવા મલેશિયા જેવા ત્રીજા દેશો દ્વારા એકબીજાની મુસાફરી કરી રહ્યા છે, જેના કારણે મુસાફરીનો સમય અને ખર્ચ બંનેમાં વધારો થયો છે. તાજેતરના વર્ષોમાં, ખાસ કરીને 2025ની શરૂઆતથી, ભારત અને ચીને તેમના સંબંધોને સામાન્ય બનાવવા માટે પગલાં લીધાં છે.
રોગચાળા પહેલા, બંને દેશો વચ્ચે દર મહિને 539 સીધી ફ્લાઇટ્સ હતી, જેની સંયુક્ત ક્ષમતા 125,000થી વધુ બેઠકોની હતી. આ ફ્લાઇટ્સમાં એર ઇન્ડિયા, ચાઇના સધર્ન એરલાઇન્સ, ચાઇના ઇસ્ટર્ન એરલાઇન્સ જેવી કંપનીઓનો સમાવેશ થતો હતો. ફ્લાઇટ સેવાઓ સ્થગિત હોવાથી, બંને દેશોના મુસાફરો બાંગ્લાદેશ, હોંગકોંગ, થાઇલેન્ડ અને સિંગાપોર જેવા કનેક્ટિંગ હબ દ્વારા મુસાફરી કરતા હતા, જોકે આ મોંઘુ હતું. એર ટ્રાફિક માહિતી કંપની સિરિયમ અનુસાર, જાન્યુઆરી-ઓક્ટોબર 2024 દરમિયાન ભારત અને ચીન વચ્ચે મુસાફરી કરનારા લોકોની સંખ્યા 4.6 લાખ હતી. દરમિયાન, 2019 ના પહેલા 10 મહિનામાં આ આંકડો 10 લાખ હતો. જાન્યુઆરી અને ઓક્ટોબર 2024ની વચ્ચે, 173,000 લોકોએ હોંગકોંગ થઈને, 98,000 લોકોએ સિંગાપોર થઈને, 93,000 લોકોએ થાઈલેન્ડ થઈને અને 30,000 લોકોએ બાંગ્લાદેશ થઈને બંને દેશોમાં મુસાફરી કરી.
ગલવાન ઼અથડામણ બાદ સંબંધો બગડ્યા હતા તેવુ કહેવામા આવી રહ્યુ
15 જૂન, 2020ના રોજ, ચીને પૂર્વી લદ્દાખના સરહદી વિસ્તારોમાં એક કવાયતના બહાને સૈનિકો તૈનાત કર્યા. ત્યારબાદ, ઘૂસણખોરીની ઘણી ઘટનાઓ બની. ભારત સરકારે પણ ચીન જેટલા જ સૈનિકો આ વિસ્તારોમાં તૈનાત કર્યા હતા. પરિસ્થિતિ એટલી વણસી ગઈ કે વાસ્તવિક નિયંત્રણ રેખા (LAC) પર ગોળીબાર શરૂ થયો. દરમિયાન, 15 જૂનના રોજ, ગાલવાનમાં ચીની સેના સાથેની અથડામણમાં 20 ભારતીય સૈનિકો શહીદ થયા હતા. ભારતે બાદમાં જોરદાર જવાબ આપ્યો હતો, જેમાં 40 ચીની સૈનિકો માર્યા ગયા હતા.