જૌનપુરના મડિયાહુન પોલીસ સ્ટેશન વિસ્તારમાં એક દિલધડક કિસ્સો સામે આવ્યો છે. પોલીસ સ્ટેશન વિસ્તારના જયરામપુર ગામમાં આજે વહેલી સવારે એક જ પરિવારના પાંચ લોકોના મૃતદેહ મળી આવ્યા હતા. એવું કહેવામાં આવી રહ્યું છે કે પતિએ પહેલા પત્નીને માર માર્યો અને પછી હત્યા કરી નાખી, પછી ત્રણ બાળકોની હત્યા કરી.
આ પછી તેણે પતિએ પોતે પણ આત્મહત્યા કરી લીધી હતી. સવારે જ્યારે લોકોએ ઘરની અંદર મૃતદેહ પડેલા જોયા તો તેઓએ પોલીસને જાણ કરી હતી. માહિતી મળતા જ પોલીસ પહોંચી અને મૃતદેહોને કબજામાં લઈ પોસ્ટમોર્ટમ માટે મોકલી દીધા હતા.
જણાવી દઈએ કે જયરામપુર ગામના રહેવાસી નાગેશ વિશ્વકર્માએ બુધવારે સવારે પોતાની પત્ની રાધિકા (35)ને કોઈ વાતને લઈને માર મારી હત્યા કરી હતી. પત્નીની હત્યા કર્યા બાદ આરોપીએ તેના ત્રણ માસૂમ બાળકોને પણ છોડ્યા ન હતા. મોટી પુત્રી નિકિતા, પુત્ર આદર્શ અને ત્રણ વર્ષની પુત્રી આયુષીની હત્યા કર્યા બાદ આરોપી નાગેશે (37) રૂમમાં ફાંસી લગાવીને આત્મહત્યા કરી લીધી હતી.
બુધવારે સવારે 10 વાગ્યા સુધી ઘરનો દરવાજો ન ખૂલ્યો ત્યારે પાડોશમાં રહેતા પિતરાઈ ભાઈ સોનુ વિશ્વકર્માએ ડાયલ-112 પોલીસને જાણ કરી હતી. ઘટનાસ્થળે પહોંચેલી પોલીસની હાજરીમાં દરવાજો તોડવામાં આવ્યો હતો ત્યારે ઘરની અંદર એક જ ખાટલા પર ત્રણેય બાળકોના મૃતદેહ મળી આવ્યા હતા. તેની બાજુમાં પલંગ પર પત્ની રાધિકાની લાશ પણ મળી આવી હતી. પત્નીના માથા પર ઈજાના નિશાન છે. કપડાની મદદથી બાળકોનું ગળું દબાવી દેવામાં આવ્યું હતું.
ઘટનાની માહિતી મળતા જ ઘટનાસ્થળે પહોંચેલા એસપી અજય પાલ શર્માએ પણ તપાસ હાથ ધરી હતી. ફોરેન્સિક ટીમ ઘટનાસ્થળે પહોંચી ગઈ છે અને ઘટનાની તપાસ કરી રહી છે. તમામ મૃતદેહોનો કબજો મેળવીને જરૂરી કાર્યવાહી કરવામાં આવી રહી છે. એક જ ઘરના પાંચ લોકોની હત્યાના સમાચારથી વિસ્તારમાં સનસનાટી ફેલાઈ ગઈ છે. આખા ગામમાં શોકનો માહોલ છે. જો કે આ ઘટના પાછળનું સાચું કારણ હજુ સ્પષ્ટ થયું નથી.
અધિક પોલીસ અધિક્ષક ગ્રામીણ શૈલેન્દ્ર કુમાર સિંહે જણાવ્યું કે નાગેશ વિશ્વકર્માએ પોતાની પત્ની અને ત્રણ બાળકોની હત્યા કર્યા બાદ ફાંસી લગાવીને આત્મહત્યા કરી લીધી. આરોપીએ આવું શા માટે કર્યું તે હજુ સ્પષ્ટ થયું નથી. ફોરેન્સિક ટીમો તપાસમાં લાગેલી છે. તમામ મૃતદેહોને કબજામાં લઈ પોસ્ટમોર્ટમ માટે મોકલી દેવામાં આવ્યા છે.