આ દિવસોમાં, સ્વાર્થ લોકોના જીવનમાં ઊંડે સુધી ઘૂસી ગયો છે. આ સ્વાર્થમાં લોકોને ક્યારે પોતાના જ લોકોને નુકસાન કરી દે છે તેનું તેમને ભાન પણ રહેતું નથી. મોટાભાગના સમાચાર પુત્ર અને પુત્રવધૂ દ્વારા માતા-પિતા પર થતા અત્યાચારના આવે છે. પરંતુ દિલ્હી હાઈકોર્ટે પુત્ર અને પુત્રવધૂને પાઠ ભણાવ્યો છે. હાઈકોર્ટનો આ નિર્ણય દરેક પુત્ર, પુત્રવધૂ અને પૌત્રોએ વાંચવો જોઈએ.
કારણ કે શક્ય છે કે, જો તમે પણ આવું કામ કરો છો તો તમારે પણ તમારું આ ઘર ખાલી ન કરવું પડે, હાઈકોર્ટે 80 વર્ષની મહિલાના પુત્ર, વહુ અને પૌત્રોને તે ઘર ખાલી કરવાનો આદેશ આપ્યો છે. આ ઘરમાં બધા સાથે રહેતા હતા.
ન્યાયાધીશ સંજીવ નરુલાએ જણાવ્યું હતું કે, ‘આ કેસ વારંવાર થતા સામાજિક મુદ્દાને હાઇલાઇટ કરે છે, જ્યાં વૈવાહિક વિખવાદ માત્ર સંબંધિત દંપતીના જીવનને વિક્ષેપિત કરતું નથી, પરંતુ વરિષ્ઠ નાગરિકોને પણ નોંધપાત્ર રીતે અસર કરે છે. આ કિસ્સામાં, વૃદ્ધ અરજદારોને તેમના જીવનના નિર્ણાયક તબક્કે સતત કૌટુંબિક તકરારને કારણે બિનજરૂરી તકલીફનો સામનો કરવો પડ્યો હતો. આ પરિસ્થિતિ કૌટુંબિક વિવાદો વચ્ચે વરિષ્ઠ નાગરિકોના કલ્યાણને સંબોધવાની જરૂરિયાત દર્શાવે છે.
માતા-પિતા અને વરિષ્ઠ નાગરિકોના જાળવણી અને કલ્યાણ અધિનિયમનો ઉલ્લેખ કરીને, અરજદારે કહ્યું કે તે મિલકતની એકમાત્ર અને રજિસ્ટર્ડ માલિક છે અને તેના પુત્ર કે પુત્રવધૂએ તેને અથવા તેના પતિની કોઈ પણ પ્રકારે કાળજી રાખી નથી. તેમણે એવું દુઃખ વ્યક્ત કર્યું કે, પુત્ર અને પુત્રવધૂ વચ્ચે ચાલી રહેલ વૈવાહિક વિખવાદ એ સતત અસ્વસ્થતા અને તણાવનો સ્ત્રોત છે, જે ‘ધીમું મૃત્યુ’ સમાન હતું.
તાજેતરના આદેશમાં, હાઇકોર્ટે જણાવ્યું હતું કે, પુત્રવધૂનો રહેઠાણનો અધિકાર અવિભાજ્ય અધિકાર નથી અને તે વરિષ્ઠ નાગરિક કાયદા હેઠળ વરિષ્ઠ નાગરિકોને આપવામાં આવતી સુરક્ષા સાથે ધ્યાનમાં લેવો જોઈએ. જે તેમને ઉપદ્રવ કરનારા રહેવાસીઓને બહાર કાઢવાની મંજૂરી આપે છે. અદાલતે અરજદારના રોજિંદા જીવન પર ચિંતા વ્યક્ત કરી હતી, જે ઉપેક્ષા, સ્વાસ્થ્યના જોખમો અને માનસિક તકલીફોથી ભરેલી હતી. હિતોને સંતુલિત કરીને, કોર્ટે પુત્રને તેની પત્નીને સુરક્ષિત વૈકલ્પિક આવાસમાં મદદ કરવા માટે 25,000 રૂપિયાની આર્થિક સહાય આપવાનો નિર્દેશ આપ્યો. આદેશમાં જણાવવામાં આવ્યું હતું કે, ‘એકવાર નાણાકીય સહાય શરૂ થઈ જાય પછી, પ્રતિવાદી નંબર 3 થી 6 (પુત્ર, પુત્રવધૂ અને બે બાળકો) વિષયની મિલકત ખાલી કરશે અને અરજદારને બે મહિનાની અંદર ખાલી કબજો સોંપી દેશે.’