લોકોને અજીબોગરીબ શોખ છે, ફિલ્મ સ્ટાર્સ અનેક ઈવેન્ટ્સમાં ટૂંકા ગાળાની હાજરી માટે મોટી ફી વસૂલે છે. હવે લોકો સેલિબ્રિટીઓને અંતિમ સંસ્કારમાં બોલાવવા માંગે છે અને તેના માટે ખર્ચ પણ કરે છે. આવી જ એક ઘટનામાં બોલિવૂડ એકટર ચંકી પાંડે જોડે પણ બની ચૂકી છે. હાઉસફુલ સીરિઝ અને તેના કોમિક ટાઈમિંગ માટે પ્રખ્યાત અભિનેતા ચંકી પાંડેએ તાજેતરમાં એક એવો ખુલાસો કર્યો હતો જેણે બધાને ચોંકાવી દીધા હતા. કહ્યું કે એક પરિવારે તેને અંતિમ સંસ્કારમાં સામેલ થવા માટે પૈસા ચૂકવ્યા હતા. એવું પણ કહેવામાં આવ્યું હતું કે જો તમે વધુ રડશો તો તમને વધુ પૈસા આપવામાં આવશે. આ વાત જાણીને તમને પણ નવાઈ લાગશે અને માનવામાં નહિ આવે પરંતુ આ હકીકત છે. બોલિવૂડ અને ઈવેન્ટ્સ વચ્ચેનો સંબંધ હંમેશા ગાઢ રહ્યો છે. લગ્ન, જન્મદિવસ અથવા બિઝનેસ લોન્ચ, ફિલ્મ સ્ટાર્સની હાજરી ઘણીવાર આકર્ષણમાં વધારો કરે છે. પરંતુ શું તમે જાણો છો કે સેલિબ્રિટીને માત્ર ખુશીની ક્ષણોમાં જ નહીં પરંતુ શોકના પ્રસંગોમાં પણ બોલાવવામાં આવે છે. બોલિવૂડના અભિનેતા ચંકી પાંડે હાલમાં જ ખુલાસો કર્યો કે મને એકવાર અંતિમ સંસ્કારમાં સામેલ થવા માટે પૈસા આપ્યા હતા. મને ત્યાં એવું કહીને બોલાવ્યો હતો કે કોઈ કાર્યક્રમ જેવું છે. પરંતુ બાદમાં મૃતદેહને જોયા પછી મને જાણ થઈ કે આ અંતિમ સંસ્કાર છે. ઉપરાંત આયોજકે મને કહ્યું: જો તમે રડશો તો પીડિત પરિવાર વધુ પૈસા આપશે.
લોકપ્રિય બોલિવૂડ સ્ટાર્સ શક્તિ કપૂર, ગોવિંદા અને ચંકી પાંડે ધ ગ્રેટ ઈન્ડિયન કપિલ શોના નવીનતમ એપિસોડમાં મહેમાન તરીકે જોડાયા હતા. શો દરમિયાન, બધાએ ખૂબ મજા કરી અને વાતચીત દરમિયાન, ચંકી પાંડેએ તેના શરૂઆતના દિવસોની એક મનોરંજક વાર્તા શેર કરી. આ દરમિયાન બોલિવૂડ એક્ટર ચંકી પાંડેએ ચોંકાવનારો ખુલાસો કર્યો છે કે એક પરિવારે તેને અંતિમ સંસ્કારમાં સામેલ થવા માટે પૈસા ચૂકવ્યા હતા. કહ્યું કે તેને જે પણ ઈવેન્ટ મળે તે તેના માટે તૈયાર થઈ જતો હતો અને આ દરમિયાન અંતિમ સંસ્કારમાં પહોંચ્યો હતો, જેના માટે તેને પૈસા પણ આપવામાં આવ્યા હતા. આનાથી પણ વધુ ચોંકાવનારી વાત એ છે કે તેને બોલાવનાર પરિવારે જ્યારે તે રડ્યો ત્યારે તેની ફી વધુ વધારવા તૈયાર થઈ ગઈ હતી. ચંકી પાંડેએ કહ્યું કે “એક સવારે મને એક ઈવેન્ટ ઓર્ગેનાઈઝરનો ફોન આવ્યો. તેણે પૂછ્યું, ‘તમે ફ્રી છો?’ મેં જવાબ આપ્યો કે હું શૂટિંગ માટે જઈ રહ્યો છું. તેણે કહ્યું કે શૂટિંગ પહેલાં એક નાનો ઈવેન્ટ હશે અંદર આવો, તમને સારા પૈસા મળશે, હું સંમત છું. આયોજકે ચંકીને સફેદ કપડાં પહેરવા કહ્યું. વધુ વિચાર્યા વિના, ચંકી સંમત થઈ ગયો. તે સફેદ કુર્તા પહેરીને ઈવેન્ટ વેન્યુ પર પહોંચ્યો હતો. ત્યાંનું વાતાવરણ જોઈને તેને થોડું વિચિત્ર લાગ્યું. તેણે જોયું કે ઘણા લોકો બહાર ઉભા હતા અને સફેદ કપડા પહેરેલા હતા. ચંકી કહ્યું—“હું અંદર ગયો કે તરત જ લોકો મારી સામે જોવા લાગ્યા. તેઓ એકબીજાની વચ્ચે બબડાટ કરી રહ્યા હતા કે ‘ચંકી પાંડે આવી ગયો’. હું થોડો ચોંકી ગયો. પછી મેં રૂમની અંદર જઈને જોયું કે એક ડેડ બોડી રાખવામાં આવી હતી. ત્યાં પછી મને સમજાયું કે તે અંતિમ સંસ્કાર છે અને તેણે પૂછ્યું, ‘ભાઈ, આ શું છે?’ તે લોકોએ કહ્યું, ‘ચિંતા કરશો નહીં, મારી પાસે તમારી ફ્રી છે.’ પણ વાર્તા અહીં પૂરી નથી થતી. ચંકીએ વધુમાં જણાવ્યું હતું કે આયોજકે તેને કહ્યું હતું કે, “જો તમે રડશો તો આ પરિવાર તમારી ફ્રીમાં વધુ વધારો કરશે. * આ ખુલાસાથી ત્યાં હાજર દરેકને ચોંકાવી દીધા હતા.