ભારતીય કોસ્ટ ગાર્ડ વેસ્ટર્ન સીબોર્ડ કર્મચારીઓ માટે પ્રજાસત્તાક દિવસનું સન્માન : ભારતના રાષ્ટ્રપતિએ કોસ્ટ ગાર્ડના જવાનોને તેમની અનુકરણીય સેવા અને બહાદુરીના કાર્યોની માન્યતામાં પ્રતિષ્ઠિત ચંદ્રકો એનાયત કર્યા

અધિક મહાનિર્દેશક અનિલ કુમાર હરબોલા, ટીએમ, કોસ્ટ ગાર્ડ કમાન્ડર (વેસ્ટર્ન સીબોર્ડ),ને વિશિષ્ટ સેવા માટે રાષ્ટ્રપતિ તત્રક્ષક મેડલ મળ્યો

નવી દિલ્હી

પ્રજાસત્તાક દિવસના અવસર પર, ભારતના રાષ્ટ્રપતિએ કોસ્ટ ગાર્ડના જવાનોને તેમની અનુકરણીય સેવા અને બહાદુરીના કાર્યોની માન્યતામાં પ્રતિષ્ઠિત ચંદ્રકો એનાયત કર્યા.ઇન્ડિયન કોસ્ટ ગાર્ડના પશ્ચિમી સીબોર્ડ તરફથી ચાર અધિકારીઓ અને એક નાવિકનું સન્માન કરવામાં આવ્યું હતું. અધિક મહાનિર્દેશક અનિલ કુમાર હરબોલા, ટીએમ, કોસ્ટ ગાર્ડ કમાન્ડર (વેસ્ટર્ન સીબોર્ડ), ને વિશિષ્ટ સેવા માટે રાષ્ટ્રપતિ તત્રક્ષક મેડલ મળ્યો. તેમની 36 વર્ષથી વધુની સેવામાં, એડિશનલ ડીજી એકે હરબોલાને અગાઉ 1999માં ICGS તારાબાઈની કમાન્ડિંગ કરતી વખતે પાઈરેટેડ જહાજ એમવી એલોન્ડ્રા રેઈનબોને પકડવા બદલ તત્રરક્ષક મેડલ ફોર ગેલેન્ટ્રી એનાયત કરવામાં આવ્યો હતો. જુલાઈ 2024 માં મુંબઈ ખાતે કોસ્ટ ગાર્ડ કમાન્ડર (વેસ્ટર્ન સીબોર્ડ) નો ચાર્જ સંભાળતા પહેલા, એડિશનલ ડીજી એકે હરબોલાએ ગાંધીનગર, ગુજરાત ખાતે કોસ્ટ ગાર્ડ રિજન (ઉત્તર પશ્ચિમ)ના કમાન્ડર તરીકે સેવા આપી હતી.ડેપ્યુટી ઈન્સ્પેક્ટર જનરલ (ડીઆઈજી) અતુલ જોશીને તેમની 28 વર્ષથી વધુની પ્રસિદ્ધ સેવા દરમિયાન ભારતીય કોસ્ટ ગાર્ડમાં તેમના નોંધપાત્ર યોગદાનને માન્યતા આપતા મેરિટોરીયસ સર્વિસ માટે તત્રક્ષક મેડલથી પણ નવાજવામાં આવ્યા હતા.

વેસ્ટર્ન સીબોર્ડ માટે ગર્વની ક્ષણમાં, કમાન્ડન્ટ અંશુમન રાતુરી, આસિસ્ટન્ટ કમાન્ડન્ટ મનીષ સિંઘ અને સમીર રંજન, U/Nvk(R) ને પણ તટરક્ષક મેડલ ફોર ગેલેન્ટ્રીથી નવાજવામાં આવ્યા હતા, જે કોસ્ટ ગાર્ડના જવાનોની હિંમત અને પ્રતિબદ્ધતા દર્શાવે છે.કોસ્ટ ગાર્ડ વેસ્ટર્ન સીબોર્ડ, જે ગુજરાત, દમણ અને દીવ, મહારાષ્ટ્ર, ગોવા, કર્ણાટક અને કેરળ પર અધિકારક્ષેત્ર ધરાવે છે, આ સિદ્ધિ માટે ખૂબ જ ગર્વ અનુભવે છે. આ શુભ દિવસે પાંચ એવોર્ડ મેળવ્યા છે તે સીબોર્ડ માટે ગૌરવની વાત છે.આ પુરસ્કારો રાષ્ટ્રના દરિયાઈ હિતોની સુરક્ષામાં ભારતીય કોસ્ટ ગાર્ડના અતૂટ સમર્પણ અને બહાદુરીને રેખાંકિત કરે છે.