અમેરિકાએ ફરી એકવાર મિનિટમેન III મિસાઇલનું સફળ પરીક્ષણ કર્યું છે. આ વખતે હાઇ ફિડેલિટી રી-એન્ટ્રી વ્હીકલથી સજ્જ સિંગલ માર્ક-21 મિનિટમેન III ઇન્ટરકોન્ટિનેન્ટલ બેલિસ્ટિક મિસાઇલ લોન્ચ કરવામાં આવી છે. આ મિસાઇલનું પરીક્ષણ ગઈકાલે(બુધવારે) 21 મેના રોજ કેલિફોર્નિયાના વેન્ડેનબર્ગ સ્પેસ ફોર્સ બેઝ પરથી કરવામાં આવ્યું હતું. કેલિફોર્નિયાના વેન્ડેનબર્ગ સ્પેસ ફોર્સ બેઝ પરથી જ્યારે આ મિસાઇલ લોન્ચ કરવામાં આવી ત્યારે તેને એકલા જ લોન્ચ કરવામાં આવ્યું હતું. મિસાઇલે માર્શલ આઇલેન્ડ્સમાં ક્વાજાલીન એટોલ ખાતે યુએસ આર્મી સ્પેસ અને મિસાઇલ ડિફેન્સ કમાન્ડના રોનાલ્ડ રીગન બેલિસ્ટિક ડિફેન્સ ટેસ્ટ સાઇટ પર 15,000 માઇલ પ્રતિ કલાકથી વધુની ઝડપે લગભગ 4,200 માઇલનું અંતર કાપ્યું. મિનિટમેન-3 મિસાઇલ 24,000 કિલોમીટર પ્રતિ કલાકની ઝડપે ઉડાન ભરવામાં સક્ષમ છે.
એવું કહેવામાં આવી રહ્યું છે કે મિનિટમેન III એટલું શક્તિશાળી છે કે તેને કોઈપણ હવાઈ સંરક્ષણ પ્રણાલી દ્વારા રોકી શકાતું નથી. મિનિટમેન III ની શક્તિનો અંદાજ એ વાત પરથી લગાવી શકાય છે કે કોઈપણ હવાઈ સંરક્ષણ પ્રણાલીથી તેને રોકવું અત્યંત મુશ્કેલ હશે. આ મિસાઇલ લોન્યનો એક વીડિયો પણ સામે આવ્યો છે. આ મિસાઈલનું પૂરું નામ LGM-30G Minuteman-III હોવાનું કહેવામાં આવી રહ્યું છે. મિસાઇલને શક્તિશાળી બનાવવા માટે, તેમાં 3 સોલિડ પ્રોપેલન્ટ રોકેટ મોટરનો ઉપયોગ કરવામાં આવ્યો છે. મિનિટમેન III પરમાણુ-સક્ષમ મિસાઇલ સિંગલ માર્ક 21 હાઇ-ફિડેલિટી રી-એન્ટ્રી વ્હીકલથી સજ્જ છે. જો તે કાર્યરત રીતે લોન્ચ કરવામાં આવે તો તે સામાન્ય રીતે પરમાણુ પેલોડ વહન કરશે. તેનું પરીક્ષણ પહેલા પણ ઘણી વખત કરવામાં આવ્યું છે