આજની ડિજિટલ લાઇફમાં વોટ્સએપ ખૂબ જ મહત્વપૂર્ણ છે, પરંતુ તેનો ઉપયોગ કરતી વખતે થોડી બેદરકારી તમને મોંઘી પડી શકે છે. આવું જ કંઈક થયું હતું ખારી બાઓલીના એક મોટા બિઝનેસમેન સાથે. પોતાનાં વોટ્સઅપ પર એક લિંક ખોલવા પર એપીકે ફાઈલ ડાઉનલોડ કરવામાં આવી હતી, જે બાદ તેનું વોટ્સએપ હેક થઈ ગયું હતું.
હેકર્સે તમામ પરિચિતો અને વોટ્સએપ ગ્રુપમાં જે પણ લોકો જોડાયેલાં હતાં તેમને આવી જ એપીકે લિંક અને અશ્લિલ તસવીરો મોકલવાનું શરૂ કર્યું હતું. આવી સ્થિતિમાં સાયબર એક્સપર્ટે જણાવ્યું હતું કે આવા સાયબર એટેકથી બચવા માટે શું કરવું જોઈએ જો તમે ફસાઈ જાઓ છો, તો તેમાંથી કેવી રીતે બહાર નીકળી શકાય છે.
► આવી apk ફાઇલોથી બચવું જોઈએઃ
સાયબર ક્રિમિનલ PMKisaan.apk .દિલ્હી પોલીસનાં સાયબર યુનિટ, દિલ્હી.Board.apk, bses.apk, A¡kbuApB apk, PNB.apk, Porn.apk ફાઇલો મોકલીને તમને તેમનાં પર ક્લિક કરવા દબાણ કરે છે. જો તમે તેને ખોલશો તો તમારા ફોનમાં એપીકે ફાઇલ ડાઉનલોડ થઇ જશે અને તમારૂ વોટ્સએપ હેક થઇ જશે. ત્યાર બાદ તે પોતાની મરજી મુજબ તેનો ઉપયોગ કરી શકે છે.
► આ ફાઇલને કેવી રીતે દુર કરી શકાયઃ
‘આવી ફાઇલોને ઓળખવા માટે, તમારે તમારા ફોન પર પ્લે સ્ટોર ખોલવાની જરૂર છે. ત્યાં જાઓ અને પ્રોફાઇલ આઇકન પર ટેપ કરો, પ્લે પ્રોટેક્ટ સ્કેન પર ટેપ કરો. આમ કરવાથી તમારા ફોનમાં કોઇ હાનિકારક એપ્સ હશે તો તેની ઓળખ થઇ જશે. આ પછી, તે એપ્લિકેશનને ફોનમાંથી ડીલીટ કરી શકાય છે.
► આ સેટિંગ્સ પણ કરો
♦ તમારા વોટ્સઍપને સિક્યોર કરવા માટે તમારે ટુ સ્ટેપનું વેરિફિકેશન ચાલું રાખવું પડશે. તેમાં છ અંકનો પિન અને ફિંગરપ્રિન્ટ ઉમેરો.
♦ એન્ક્રિપ્ટેડ ચેટ બેકઅપ ચાલું કરો અને પાસવર્ડ્સ સેટ કરો. પ્રાઈવસીનું ધ્યાન રાખો.
♦ પ્રોફાઈલ ફોટો અને છેલ્લે જોયેલો ફોટો માય કોન્ટેક્ટ પર મૂકો.
♦ લિંક કરેલાં ડિવાઇસની સમીક્ષા કરો અને અજાણ્યાં સત્રોમાંથી લોગ આઉટ થઈ જાઓ.
♦ માત્ર સત્તાવાર વોટ્સએપ એપનો જ ઉપયોગ કરો. વોટ્સએપ જીબી જેવાં ક્લોનથી બચો.
♦ માત્ર પ્લેસ સ્ટોર અથવા એપ સ્ટોર પરથી જ આ એપ ડાઉનલોડ કરો.