યુએસ ડિપાર્ટમેન્ટ ઓફ જસ્ટિસ અને યુએસ એટર્નીની ઓફિસ ફોર ધ ડિસ્ટ્રિક્ટ ઓફ ન્યૂ જર્સીએ BAPS (બોચાસણવાસી અક્ષર પુરુષોત્તમ સ્વામિનારાયણ સંસ્થા)ના રોબિન્સવિલે, ન્યૂ જર્સીમાં આવેલા મંદિરમાં કામદારોના શોષણ અને માનવ તસ્કરીના આરોપો અંગે તપાસ હાથ ધરી હતી.
2021માં શરૂ થયેલી આ તપાસમાં એવા દાવાઓની ચકાસણી કરવામાં આવી હતી કે કામદારોને ભારતમાંથી લાલચ આપીને ગુલામીમાં ધકેલી દેવામાં આવ્યા હતા અને કમરતોડ મજૂરી માટે પ્રતિ કલાક $1.20 જેટલો ઓછો પગાર ચૂકવવામાં આવ્યો હતો. આ તપાસમાં BAPS દ્વારા ખોટા કામના દાવાઓને સમર્થન આપવા માટે કોઈ પુરાવા મળ્યા નથી. યુએસ ડિપાર્ટમેન્ટ ઓફ જસ્ટિસે 18 સપ્ટેમ્બર, 2025ના રોજ તપાસ બંધ કરી દીધી. જેમા BAPSએ એ વાતને સમર્થન જાળવી રાખ્યું કે મંદિર સ્વયંસેવકોના પ્રયત્નો અને ખાનગી દાન દ્વારા બનાવવામાં આવ્યું હતું. આ પહેલા 2021માં, યુ.એસ. ન્યાય વિભાગ, FBI, અને અન્ય સંઘીય અને રાજ્ય સત્તાવાળાઓએ સંસ્થા દ્વારા અહીંના મંદિરમાં મજૂર શોષણ અને માનવ તસ્કરીના આરોપો અંગે તપાસ કરી હતી. જેમા 200થી વધુ ભારતીય નાગરિકો વતી BAPS સામે દાખલ કરાયેલા નાગરિક મુકદ્દમાની તપાસના ભાગ રૂપે દરોડો પાડવામાં આવ્યો હતો. કામદારોએ દાવો કર્યો હતો કે તેમને ભારતમાંથી લાલચ આપીને ગુલામીમાં રાખવામાં આવ્યા હતા અને કમર તોડનારા મજૂરી માટે પ્રતિ કલાક $1.20 જેટલા ઓછા પગાર આપવામાં આવ્યા હતા. જે બાદ BAPS અનુસાર એવુ સામે આવ્યુ કે, આ નિર્ણય હવે એક સ્પષ્ટ સંદેશ મોકલે છે જે તેણે શરૂઆતથી જાળવી રાખેલી વાતને સમર્થન આપે છે – કે શાંતિ, સેવા અને ભક્તિનું સ્થળ સ્વામિનારાયણ અક્ષરધામ, જીવનના તમામ ક્ષેત્રોના હજારો ભક્તોના સમર્પણ અને સ્વયંસેવક પ્રયાસો દ્વારા બનાવવામાં આવ્યું હતું.
BAPS સ્વામિનારાયણ અક્ષરધામ, સમુદાય રાષ્ટ્રના માળખાનો ભાગ કેવી રીતે બની ગયો છે તેનું કાયમી પ્રતીક તરીકે ઊભું છે.
સંસ્થાએ જણાવ્યું કે આ સમયગાળો પડકારજનક રહ્યો હતો, પરંતુ ભગવાન સ્વામિનારાયણની કૃપા અને તેના આધ્યાત્મિક નેતા, મહંત સ્વામી મહારાજના આશીર્વાદથી આ શક્ય બન્યું અને મંદિર વિરુદ્ધ તપાસ બંધ કરવામાં આવી.