ઉત્તર પ્રદેશના 5 શહેરોમાં સોમવારે સવારે વરસાદ થયો. અલીગઢ અને લખીમપુરમાં રવિવારે મોડી રાત્રે કરા પડ્યા. જ્યારે, જયપુરમાં સોમવારે બપોર પછી વાદળો છવાઈ ગયા અને કેટલાક વિસ્તારોમાં વાવાઝોડું આવ્યું. હવામાન વિભાગે 22 જાન્યુઆરીએ 6 જિલ્લાઓમાં વાવાઝોડા-વરસાદનું યલો એલર્ટ જાહેર કર્યું છે. બિહારના સમસ્તીપુર-બેગુસરાયમાં ગાઢ ધુમ્મસ છવાયેલું રહ્યું. આ કારણે વિઝિબિલિટી 50 મીટર રહી. હવામાન વિભાગે જણાવ્યું કે લઘુત્તમ તાપમાન 1 થી 2 ડિગ્રી સુધી ઘટી શકે છે. આ કારણે સવાર-સાંજ તીવ્ર ઠંડી લાગશે. ઉત્તરાખંડના પિથોરાગઢ, ચમોલી, ઉત્તરકાશી અને રુદ્રપ્રયાગ જિલ્લાના ઊંચાઈવાળા વિસ્તારોમાં નદીઓ, નાળાં અને ઝરણાં થીજી ગયાં છે. પિથોરાગઢના આદિ કૈલાશ અને રુદ્રપ્રયાગના કેદારનાથમાં લઘુત્તમ તાપમાન -21 ડિગ્રી રહ્યું.
રાજ્યમાં 22 જાન્યુઆરીથી પશ્ચિમી વિક્ષોભ સક્રિય થવાનો છે, તેની અસરથી વાદળો છવાયેલા રહેશે. વાવાઝોડું આવશે, સાથે જ ઘણા જિલ્લાઓમાં વરસાદ થવાની સંભાવના છે. સોમવારે જયપુર, અજમેર, ભરતપુરમાં હળવા વાદળો અને ધુમ્મસ છવાયેલું રહ્યું. જોકે, ઉત્તરથી આવતી હવા નબળી રહેવાથી તાપમાનમાં મોટો ઘટાડો થયો નથી. રાજ્ય ઉપર બે સિસ્ટમ છે. વેસ્ટર્ન ડિસ્ટર્બન્સ (પશ્ચિમી વિક્ષોભ) અને સાયક્લોનિક સર્ક્યુલેશનને કારણે ઘણા જિલ્લાઓમાં વાદળો છવાઈ રહ્યા છે. જ્યારે, 21 જાન્યુઆરીએ મજબૂત વેસ્ટર્ન ડિસ્ટર્બન્સ ઉત્તર-પશ્ચિમ ભારતને અસર કરી શકે છે.
પંજાબ અને ચંદીગઢમાં હવામાન બદલાવાનું છે. એક વેસ્ટર્ન ડિસ્ટર્બન્સ પહાડો પર પહોંચી ગયું છે, જ્યારે બે તેની પાછળ આવી રહ્યા છે. આ કારણે આજે અને કાલે ગાઢ ધુમ્મસનું એલર્ટ છે. જ્યારે, ગુરુવારથી વરસાદ, તેજ પવનો અને વીજળી ચમકવાની સંભાવના છે. હિમાચલ પ્રદેશના 5 જિલ્લા ઉના, હમીરપુર, બિલાસપુર, મંડી અને કાંગડામાં આજે શીતલહેરનું યલો એલર્ટ આપ્યુ હતુ. આ જિલ્લાઓમાં કડકડતી ઠંડી પડશે. સિમલામાં રાતનું તાપમાન 3.4°, ઉનાનું લઘુત્તમ તાપમાન 2.0°, સોલનનું 1.5° અને બરઠીનું લઘુત્તમ તાપમાન 1.9° સુધી ગગડી ગયું છે. પહાડો પર થઈ રહેલી બરફવર્ષાના કારણે રાજ્યમાં ઠંડી વધવાની સંભાવના છે. હવામાન વિભાગ મુજબ, પટના, બેગુસરાય સહિત 9 જિલ્લામાં ધુમ્મસ રહેશે. હાલમાં 7 જિલ્લાનું તાપમાન 8 ડિગ્રીથી ઓછું છે. 6.2 ડિગ્રી સેલ્સિયસ સાથે ભાગલપુરનું સબૌર સૌથી ઠંડું રહ્યું.