કેન્દ્રીય સંચાર રાજ્ય મંત્રી દેવુસિંહ ચૌહાણે એકતાનગર ખાતે પોસ્ટ – ટેલિકોમ્યુનિકેશન વિભાગની કામગીરીની સમીક્ષા કરી

કેવડીયા

કેન્દ્રીય સંચાર રાજ્ય મંત્રી શ્રી દેવુસિંહ ચૌહાણના અધ્યક્ષ સ્થાને આજે એકતા નગર (કેવડીયા) ખાતે ,સરદાર સરોવર નર્મદા નિગમના સર્કિટ હાઉસ ખાતે પોસ્ટ વિભાગ, ટેલિકોમ્યુનિકેશન વિભાગ, BSNL અને BBNની કામગીરીની સમીક્ષા બેઠક યોજાઇ. આ સમીક્ષા બેઠકમાં વિવિધ વિભાગો દ્વારા કામગીરી અંગેનું પ્રેઝન્ટેશન રજૂ કરવામાં આવ્યું.

આ બેઠકમાં પોસ્ટ વિભાગના ડાયરેક્ટર જનરલ શ્રી આલોક શર્મા , ડાયરેક્ટર જનરલ ટેલિકોમ્યુનિકેશન વિભાગના શ્રી નિઝામુલ હક, ચીફ જનરલ મેનેજર, BSNL શ્રી સંદીપ સાવરકર અને શ્રી વી.કે જૈન સીનિયર જનરલ મેનેજર, BBNL અને DoP, DoT, BSNL અને BBNLના અન્ય અધિકારીઓ ઉપસ્થિત હતા. આ બેઠકનો હેતુ નાણાકીય વર્ષ ૨૦૨૨ – ૨૩માં ઉન્નત કામગીરી અને કામગીરી માટેની વ્યૂહરચના ઘડવાનો છે.નોંધનીય છે કે MoSCના ગતિશીલ નેતૃત્વ હેઠળ, પોસ્ટ વિભાગે તેના તકનીકી અને કાર્યાત્મક પરિવર્તનને વેગ આપ્યો છે. કાઉન્ટર્સ પર UPI દ્વારા ચુકવણીની સુવિધાઓ,પોસ્ટ ઓફિસ સેવિંગ્સ બેંકમાં NEFTને સક્ષમ કરવું, બલ્ક ગ્રાહકો માટે API એકીકરણ સુવિધા જેવી સુવિધાઓ ઊભી કરવામાં આવી છે, જે નાગરિકો માટે કામગીરીમાં સરળતા અને સગવડતા સુનિશ્ચિત કરશે.