આપ’ રાષ્ટ્રીય સંયોજક કેજરીવાલ કાલે  વેરાવળની જાહેરસભામાં આવનારી ચૂંટણીને લઈને મહત્વપૂર્ણ જાહેરાત કરશે

દિલ્હીના મુખ્યમંત્રી અરવિંદ કેજરીવાલ

આમ આદમી પાર્ટીના પ્રદેશ મહામંત્રી મનોજ સોરઠીયા

અમદાવાદ

આમ આદમી પાર્ટીના પ્રદેશ મહામંત્રી મનોજ સોરઠીયાએ એક વિડિયો ના માધ્યમથી માહિતી આપતા જણાવ્યું કે, આમ આદમી પાર્ટીના રાષ્ટ્રીય સંયોજક અને દિલ્હીના મુખ્યમંત્રી અરવિંદ કેજરીવાલ કાલે ગુજરાતની મુલાકાતે આવશે. અરવિંદ કેજરીવાલ સૌરાષ્ટ્રમાં એક જાહેરસભાને સંબોધશે અને આવનારી ચૂંટણીને લઈને એક મહત્વપૂર્ણ જાહેરાત પણ કરશે. આવતીકાલે બપોરે 1 વાગે પોરબંદર એરપોર્ટ પર અરવિંદ કેજરીવાલનું આગમન થશે. ત્યાંથી વેરાવળમાં બપોરે 3 વાગે KCC ગ્રાઉન્ડ (રેલવે કોલોની) ખાતે એક જાહેરસભાને સંબોધન કરશે અને આવનારી ચૂંટણીને લઈને એક મહત્વપૂર્ણ જાહેરાત કરશે. આ સભા બાદ અરવિંદ કેજરીવાલ રાજકોટ જવા રવાના થશે. સાંજે 6:30 વાગે રાજકોટ એરપોર્ટ પર તેમનું આગમન થશે. રાજકોટમાં સંજય રાજગુરુ કોલેજના ગ્રાઉન્ડમાં એક ભવ્ય મંદિરની પ્રતિષ્ઠાની મહાઆરતીમાં અરવિંદ કેજરીવાલ સામેલ થશે અને મંદિરમાં પૂજા કરશે.અરવિંદ કેજરીવાલ આ કાર્યક્રમ બાદ રાજકોટ એરપોર્ટ થી દિલ્હી જવા રવાના થશે.