હવામાન નિષ્ણાંત અંબાલાલ પટેલે દક્ષિણ ગુજરાત સહિત સૌરાષ્ટ્રમાં ભારે વરસાદ પડવાની આગાહી કરી છે. ગુજરાતના દક્ષિણ ગુજરાત સહિત સૌરાષ્ટ્ર તેમજ ઉત્તર ગુજરાતના બનાસકાંઠાના ભાગોમાં પણ 27 થી 30 જૂન દરમિયાન ભારે વરસાદની આગાહી કરવામાં આવી છે. તો રાજ્યમાં જુલાઈમાં પણ સારો વરસાદ રહેશે. જેના કારણે વરસાદની સમસ્યાનો હલ આવશે.
બિપરજોય વાવાઝોડાની અસર ચાલુ છે ત્યારે ગુજરાત પર ફરી આસમાની આફત મંડરાઇ રહી છે. વાવાઝોડાની અસરને પગલે આજે ગુજરાતના અનેક જિલ્લાઓમાં ભારેથી અતિ ભારે વરસાદની આગાહી કરવામાં આવી છે. જેમાં હવામાન વિભાગ દ્વારા બનાસકાંઠા જિલ્લામાં રેડ એલર્ટ જાહેર કરવામાં આવ્યું છે. વરસાદ આજે બનાસકાંઠા પંથકને ધમરોળે તેવી શક્યતા છે. આ ઉપરાંત કચ્છ, મહેસાણા અને પાટણ જિલ્લામાં પણ ભારેથી અતિ ભારે વરસાદ પડવાની શક્યતા છે. આ ઉપરાંત અમદાવાદ, ગાંધીનગર, સાબરકાંઠા, મોરબી અને સુરેન્દ્રનગરમાં પણ ભારે વરસાદ પડવાની આગાહી છે.
