એક ડેમ તૂટવાથી કેટલી તબાહી મચી શકે છે તે લીબિયાનાં ડર્ના શહેરને જોઈને જાણી શકાય છે. ઘરોમાં પાણી અને કીચડ ભરાઈ ગયાં છે. માટી અને મલબામાંથી શવ કાઢવામાં આવી રહ્યાં છે.
શહેરમાં બીમારીઓ પણ ફેલાવાનો ભય છે. મીડિયા રિપોર્ટ અનુસાર આશરે 44000 લોકો આ ડેમ તૂટવાનાં કારણે મૃત્યુ પામ્યાં છે.સવા લાખની આબાદીવાળાં ડર્ના શહેરની હાલત અત્યારે ઘણી ખરાબ જણાઈ રહી છે. ચારેય બાજુ તૂટેલી બિલ્ડિંગ, કીચડ, એક કારની ઉપર બીજી કાર દેખાઈ રહી છે.
ડર્નામાં યૂગોસ્લાવિયાની કંપનીએ 1970માં 2 બંધ બનાવડાવ્યાં હતાં. પહેલો બંધ 75 મીટર ઊંચો હતો જેમાં 1.80 કરોડ ક્યૂબિક મીટર પાણી આવતું હતું. બીજો બંધ 45 મીટર ઊંચો હતો. ત્યાં 15 લાખ ક્યૂબિક મીટર પાણી જમા થતું હતું. દરેક ક્યૂબિક મીટર પાણીમાં એક ટન વજન હોય છે. બંને ડેમમાં આશરે 2 કરોડ ટન પાણી હતું જેની નીચે ડર્ના શહેર વસ્યું હતું.
માહિતી અનુસાર છેલ્લાં 20 વર્ષોથી આ ડેમની દેખરેખ નહોતી થઈ રહી. ડેમ તો ખાલી હતાં પરંતુ આ ડેમને સમારકામની જરૂર હતી. ડેનિયલ વાવાઝોડાએ એટલું પાણી ભરી દીધું કે જૂના અને કમજોર ડેમ તેને સંભાળી ન શક્યાં. બંધ તૂટ્યો અને તેની નીચે રહેલ શહેર ડર્ના બરબાદ થઈ ગયું.
બંને બંધને કોન્ક્રીટથી બનાવવામાં આવ્યાં હતાં. તેમાં ગ્લોરીહોલ પણ હતાં જેથી પાણી ઓવરફ્લો ન થાય. પરંતુ તેમાં લાકડાઓ ફંસાઈ ગયાં હતાં અને તે બંધ થઈ ગયો હતો. મેંટેનંસ પર કોઈએ ધ્યાન ન આપ્યું અને કચરો જમા થતો ગયો. આ કારણે જ્યારે વાવાઝોડું આવ્યું ત્યારે પાણી ડેમમાં ભરાવા લાગ્યું. એક અઠવાડિયા સુધી આવેલ ડેનિયલ વાવાઝોડાએ ડેમને પાણીથી ભરી નાખ્યું.
ડેમમાં પાણી ઉપર સુધી ભરાઈ ગયું. થોડી જ વારમાં ડેમ તૂટી ગયો. એકસાથે 1.80 કરોડ ટન પાણી નીચેની તરફ ફેલાઈ ગયું. અને નીચે વાળા ડેમમાં પાણીને રોકવાની ક્ષમતા ન હતી જેથી શહેર ડૂબી ગયું.