મહેસાણાના ગોઠડા ગામ પાસે આજે રીક્ષા અને દૂધના ટેન્કર વચ્ચે અકસ્માત સર્જાયો હતો. જેમાં ત્રણ લોકોના મોત નિપજ્યા હતા. જ્યારે અન્ય ત્રણ લોકો ઘાયલ થયા છે. જેમને સારવાર માટે હોસ્પિટલ ખસેડવામાં આવ્યા છે.
પ્રાપ્ત માહિતી પ્રમાણે મહેસાણા જિલ્લાના સતલાસણા તાલુકાના ગોઠડા ગામ પાસે શનિવારે રીક્ષા અને દૂધના ટેન્કર વચ્ચે ગંભીર અકસ્માત સર્જાયો હતો.જેમાં ત્રણ લોકોના ઘટના સ્થળે કમકમાટીભર્યા મોત નિપજ્યા હતા. જ્યારે ત્રણ લોકો ઘાયલ થયા છે, જેમને સારવાર અર્થે સિવિલ હોસ્પિટલ ખાતે ખસેડવામાં આવ્યા હતા.
બીજી તરફ આ બનાવની જાણ થતા જ પોલીસની ટીમ પણ ઘટના સ્થળે દોડી આવી હતી. મૃતદેહોની પોસ્ટમોર્ટમ માટે હોસ્પિટલમાં મોકલીને આગળની કાર્યવાહી હાથ ધરી હતી. રીક્ષા અને દૂધના ટેન્કર વચ્ચે ટક્કર એટલી ભીષણ હતી કે, રિક્ષાના આગળના ભાગનો કચ્ચરઘાણ નીકળી ગયો હતો.