અરવિંદ કેજરીવાલને સોમવારે 15 દિવસની ન્યાયિક કસ્ટડીમાં મોકલવામાં આવ્યા હતા. આ અંગે દિલ્હીના કેબિનેટ મંત્રી આતિશીએ મંગળવારે પ્રેસ કોન્ફરન્સ કરીને EDની કાર્યવાહી પર સવાલ ઉઠાવ્યા હતા અને ભાજપ પર મોટો આરોપ લગાવ્યો હતો.
આમ આદમી પાર્ટીના નેતા અને કેબિનેટ મંત્રી આતિશીએ કહ્યું કે હવે ED વધુ ચાર AAP નેતાઓની ધરપકડ કરવાની તૈયારી કરી રહી છે.
તેમાં હું, સૌરભ ભારદ્વાજ, દુર્ગેશ પાઠક અને રાઘવ ચઢ્ઢાના નામ સામેલ છે. તેમણે કહ્યું કે મને ભાજપ તરફથી મારા નજીકના વ્યક્તિ દ્વારા આમ આદમી પાર્ટી છોડીને ભાજપમાં જોડાવાનો સંદેશ મળ્યો છે અને સ્ટેટસ વધારવાની વાત પણ થઈ છે.
તેમણે કહ્યું કે ભાજપે આમ આદમી પાર્ટીના તમામ નેતાઓને કચડી નાખવાનું મન બનાવી લીધું છે. હવે ચાર ટોચના નેતાઓની ધરપકડ બાદ તેઓ લોકસભા ચૂંટણી પહેલા વધુ ચાર નેતાઓ (હું (આતિશી), સૌરભ ભારદ્વાજ, દુર્ગેશ પાઠક અને રાઘવ ચઢ્ઢા)ની ધરપકડ કરવા જઈ રહ્યા છે. પરંતુ અમે અરવિંદ કેજરીવાલના સૈનિક છીએ અને તૂટવાના નથી.
થોડા દિવસોમાં મારા ઘરે દરોડા પાડશે :AAP નેતા આતિશી :-AAP નેતા આતિશીએ દાવો કર્યો હતો કે ED આગામી થોડા દિવસોમાં મારા ઘરે દરોડા પાડશે. આ સમય દરમિયાન ED મારા સંબંધીઓ અને પરિવારના સભ્યોના ઘરે પણ દરોડા પાડશે. આ પછી અમને સમન્સ મોકલવામાં આવશે. પછી થોડા દિવસોમાં અમારી ધરપકડ કરવામાં આવશે. આમ છતાં અમે ભાજપથી ડરતા નથી. અમે અમારા અંતિમ શ્વાસ સુધી અરવિંદ કેજરીવાલના નેતૃત્વમાં લોકો માટે કામ કરતા રહીશું.