રશિયાની એક અદાલતે ટીવી પ્રસ્તુતકર્તા અને અભિનેત્રી અનાસ્તાસિયા ઇવલીવા પર 50,000 રુબેલ્સ (560 યુએસ ડોલર)નો દંડ ફટકાર્યો છે, જે ‘નગ્ન’ પાર્ટીનું આયોજન કરીને ચર્ચામાં આવી હતી. અભિનેત્રીને તેની સોશિયલ મીડિયા પોસ્ટમાં યુક્રેન સાથે શાંતિની હાકલ કરીને સેનાને બદનામ કરવા બદલ દંડ ફટકારવામાં આવ્યો છે. ડિસેમ્બરમાં તેને એક પાર્ટીનું આયોજન કર્યું હતું જેમાં મહેમાનોને લગભગ નગ્ન થવા માટે પ્રોત્સાહિત કરવામાં આવ્યા હતા તે પછી ઇવલીવા સામે લોકોમાં ગુસ્સો હતો.
યુક્રેન પર રશિયાના આક્રમણના શરૂઆતના દિવસોમાં શાંતિ અને સંવાદની હાકલ કરતી બે સોશિયલ મીડિયા પોસ્ટ માટે તેને દંડ ફટકારવામાં આવ્યો છે. અદાલતે તેને સૈન્યને બદનામ કરતી ટિપ્પણીઓ અંગે કાયદાનું ઉલ્લંઘન કરવા બદલ દોષિત ઠેરવ્યો હતો, જો કે આ પોસ્ટના ઘણા દિવસો પછી કાયદો પસાર કરવામાં આવ્યો હતો.
ઇવલીવા મોસ્કોના નાઇટક્લબમાં પાર્ટી યોજીને ચર્ચામાં આવી હતી. તેમને મોકલેલા આમંત્રણ પત્રમાં મહેમાનોને ‘ડ્રેસ કોડ’ તરીકે લગભગ નગ્ન અવસ્થામાં આવવાનું કહેવામાં આવ્યું હતું. એક જાણીતા રેપર પણ ખૂબ ઓછા કપડામાં જોવા મળ્યા હતા. પાર્ટીની તસવીરો સોશિયલ મીડિયા પર ખૂબ જ વાયરલ થઈ હતી. જનપ્રતિનિધિઓ, બ્લોગર્સ અને અન્યોએ આવી ઘટનાની સખત ટીકા કરી હતી અને તેને યુદ્ધમાં ફસાયેલા દેશ માટે અભદ્ર ગણાવી હતી.
પાર્ટીના આયોજક નાસ્તાસિયા ઇવલીવાએ ટીકાકારોને જવાબ આપ્યો. તેણે કહ્યું, “અમે સુંદર, પાતળી પાશ્ચાત્ય મોડલ્સને જોઈને કહીએ છીએ કે ‘ઓહ માય ગોડ, તે ખૂબ જ સુંદર છે, તે ખૂબ સારી છે.’ જ્યારે અમારા સુંદર અને ફિટ કલાકારો બહાર આવે છે, ત્યારે દરેક કહે છે… ‘ઓહ, તેઓ આ કેવી રીતે કરી શકે છે.’ ?’