જાહ્નવી કપૂરના બેડરૂમમાંથી એક વખત એક છોકરાને નીકળતાં બોની કપૂરે જોયો હતો. તેમણે CCTV કૅમેરામાં એ યુવકને બહાર આવતાં જોયો હતો. જોકે એ છોકરો કોણ હતો એનું નામ જાહ્નવીએ નથી જણાવ્યું. ભૂતકાળનો એ કિસ્સો સંભળાવતાં જાહ્નવી કહે છે, ‘હું એક વખત કોઈની સાથે ફસાઈ ગઈ હતી અને હું નહોતી ચાહતી કે તે ફ્રન્ટ ડોરથી બહાર જાય. એથી મેં તેને મારા રૂમમાંથી કૂદકો મારવા કહ્યું.
મારી લેક્સસ કાર નીચે ઊભી હતી. એ લાંબી કાર હતી. એથી મેં તેને કહ્યું કે એ કાર પર કૂદકો માર અને પછી ત્યાંથી નીકળી જજે. તેણે એવું જ કર્યું. જોકે ડૅડીએ તેને CCTV કૅમેરામાં જોઈ લીધો હતો. તેમણે તેને પૂછ્યું, ‘તું શું કરે છે અહીં?’ ત્યાર બાદ તેમણે મારા રૂમની બારીને ગ્રિલ બેસાડી દીધી હતી, જેથી કોઈ અંદર ન આવી શકે.’
જાહ્નવી કપૂરે ખુલાસો કર્યો છે કે તે કોઈ ઇવેન્ટમાં જાય છે તો તેણે પહેરેલા આઉટફિટ્સ તેના નથી હોતા, એ ભાડાના હોય છે અને એ પાછા આપવા પડે છે. માત્ર શૂઝ અને રિંગ્સ તેનાં હોય છે.