કોલકાતાની આરજી કર મેડિકલ હોસ્પિટલમાં લેડી ડોક્ટરના જધન્ય રેપ-મર્ડરમાં એક મહિલા ડોક્ટરે અત્યાર સુધીનો ચોંકાવનારો ઘટસ્ફોટ કર્યો છે. મહિલા ડોક્ટરનો દાવો છે કે લેડી ડોક્ટરના રેપ અને મર્ડરમાં એક છોકરી, કૉલેજના પ્રિન્સિપાલ, એક ડૉક્ટર અને વિભાગીય હેડ કાવતરામાં સામેલ છે.
ભાજપના આઈટી સેલના ચીફ અમિત માલવિયાએ એક વીડિયો ક્લિપ વાયરલ થઈ છે જેમાં લેડી ડોક્ટરે પ્રિન્સિપાલ અને અન્ય સ્ટાફ મેમ્બરો પર ટ્રેઇની ડોક્ટરોને ટાર્ગેટ કરીને સાંઠગાંઠ ચલાવવાનો આરોપ લગાવ્યો છે. આ ડોકટરોને તેમની ઇચ્છા મુજબ કામ કરવાની ફરજ પાડવામાં આવી હતી અને થીસીસ સબમિટ માટે પણ હેરાન કરાયાં હતા.
ઓડિયો મેસેજમાં મહિલા ડોક્ટરે કહ્યું કે પશ્ચિમ બંગાળની સરકારી મેડિકલ કોલેજોમાં પ્રિન્સિપાલ અને વિભાગના વડાઓ વિવિધ બહાને વિદ્યાર્થીઓ પાસેથી પૈસા પડાવે લે છે. તેઓ વિદ્યાર્થીઓને ધમકી આપે છે કે જો તેઓ પૈસા નહીં ચૂકવે તો થિસિસ જમા નહીં કરે.
મહિલા ડૉક્ટરે ખાસ કરીને પૂર્વ પ્રિન્સિપલ સંદીપ ઘોષનું નામ આપ્યું હતું. તેમનો આરોપ છે કે સંદીષ ઘોષ ઈન્ટર્ન અને હાઉસ સ્ટાફ સાથે સેક્સ અને ડ્રગ રેકેટ ચલાવે છે. વેચાતી દવાઓમાં હેરોઈન, બ્રાઉન સુગર અને દવાઓ તરીકે પેક કરાયેલ ઓછી કિંમતની પ્રિસ્ક્રિપ્શન દવાઓનો સમાવેશ થાય છે. આ પ્રવૃત્તિઓ માટે કરોડોના ટેન્ડર બહાર પાડવામાં આવ્યા હતા, જેનો મોટો હિસ્સો પાર્ટી ફંડમાં ગયો હતો. મહિલા ડોક્ટરનો એવો પણ દાવો છે કે પીડિત ડોક્ટરે આવા લોકોને ખુલ્લા પાડવાનું નક્કી કર્યું હતું મહિલા ડોક્ટરે તેના ઓડિયો મેસેજમાં કહ્યું કે મને ડોક્ટર મિત્રો પાસેથી આરજી કરની ઘટના વિશે જાણ થઈ. હું આ ઘટના પર વિશ્વાસ કરી શકતો નથી. તેમણે વધુમાં કહ્યું કે પશ્ચિમ બંગાળની તમામ સરકારી મેડિકલ કોલેજોમાં આ પ્રકારની છેડતી પ્રથાઓ પ્રચલિત છે.
કોલકાતાની આરજી કર મેડિકલ કોલેજમાં 9 ઓગસ્ટની સવારે 31 વર્ષીય લેડી ડોક્ટરની સેમી ન્યૂડ ડેડબોડી મળી આવ્યાં હતી. ડોક્ટરના આંગળીઓ, પેટ, પ્રાઈવેટ પાર્ટ અને અન્ય ઘણા ભાગોમાં ઊંડી ઈજાઓ અને લોહી વહેતું હોવાનું જણાયું હતું. સિવિલ વોલિન્ટીયર સંજય રોયે તેની પર જધન્ય રેપ કરીને ઘાતકી હત્યા કરી નાખી હતી. આરોપીએ પીડિતાનું મોં દબાવી રાખ્યું હતું અને તેનું માથું જમીન પર સતત પછાડ્યું હતું અત્યંત ક્રૂર રીતે તેની સાથે રેપ અને મર્ડર કર્યું હતું. આ હત્યાકાંડે સમગ્ર બંગાળને હચમચાવી નાખ્યું છે.