સાત સંતાનના પિતાની વિકૃત હરકતનો શરમજનક કિસ્સો અભયમ પાસે આવ્યો છે. જેમાં પિતાએ અભયમની ટીમ સાથે પણ ચડભડ કરી તેમની હાજરીમાં જ પત્ની અને પુત્રીને ધમકી આપતાં આખરે પોલીસ કાર્યવાહી કરવા માટે તજવીજ કરાઇ છે.
ગોત્રી વિસ્તારમાં રહેતા અને નોકરી કરતા સાત સંતાનના પિતાએ તેની પત્ની પર અત્યાચાર કરતાં યુવાન પુત્રીઓ બચાવમાં આવી હતી.પરંતુ પિતાએ સેક્સ્યુઅલ રિલેશન માટે પત્નીની સાથેસાથે યુવાન પુત્રી પર નજર નાંખી કાઢી મૂકતાં તેઓ એક નજીકના સબંધીને ત્યાં આશરો લેવા પહોંચ્યા હતા.
પિતા ત્યાં પણ આવી પહોંચ્યા હતા અને આખી રાત દરવાજો ખખડાવી તમાશો કર્યો હતો.જેથી યુવતીએ અભયમની મદદ લીધી હતી.અભયમની ટીમ સમક્ષ પુત્રીએ કહ્યું હતું કે,પિતા તેની મરજી મુજબનું કૃત્ય નહિં કરવા દઇએ તો આગળ ભણવા નહિ દેવાની ધમકી આપે છે.
વળી શંકાશીલ પિતા મારી માતાને પણ તું બધાને મળવા જાય છે.ઘરમાં મીટિંગો કરે છે, મારું ધ્યાન રાખતી નથી..તેમ કહી પજવણી કરે છે અને અમને ઘરમાંથી નીકળી જવા માટે તેમજ છૂટાછેડા માટે દબાણ કરે છે.અભયમની ટીમ સામે પણ પિતાએ તમે તમારી રીતે જીવી ખાવ..તેમ કહી ગર્ભિત ધમકી આપતાં માતા-પુત્રીએ સમાધાન કરવાનો ઇનકાર કર્યો હતો.જેથી અભયમની ટીમે પોલીસ કેસ કરવા માટે તજવીજ કરી હતી.