અભિનેત્રી પૂજા જોશીએ ઇન્સ્ટાગ્રામ પર મલ્હાર સાથેનો એક ફોટો પોસ્ટ કર્યો હતો અને તેને કેપ્શન આપ્યું હતું, “તમામ અફવાઓ પર પૂર્ણવિરામ મૂકીને. રીલથી વાસ્તવિક સુધી…તમારા પ્રેમ અને આશીર્વાદથી અમે અમારી નવી સફર શરૂ કરી રહ્યા છીએ!”
અમદાવાદ
મલ્હાર ઠાકર અને પૂજા જોશીએ સત્તાવાર રીતે તેમના લગ્નની તારીખ જાહેર કરી દીધી છે. સોશિયલ મીડિયા પર એક વીડિયો પોસ્ટ કરીને બંનેએ પહેલી મુલાકાતથી લઈને લગ્ન સુધીની સફરની ઝલક બતાવી છે.હાલમાં આ હેશટેગ સોશિયલ મીડિયા પર ટ્રેન્ડ કરી રહ્યું છે અને તેની પાછળનું કારણ છે ગુજરાતી અભિનેતા મલ્હાર ઠાકર અને અભિનેત્રી પૂજા જોશી.હવે આખરે મલ્હાર ઠાકર અને અભિનેત્રી પૂજા જોશીએ તેમના લગ્નની તારીખ સત્તાવાર રીતે જાહેર કરી દીધી છે. તેણે ઈન્સ્ટાગ્રામ પર એક વીડિયો પોસ્ટ કર્યો છે, જેમાં તેણે પહેલી મુલાકાતથી લઈને લગ્ન સુધીની તેની સફરની ઝલક પણ બતાવી છે. હવે આ વીડિયો સોશિયલ મીડિયા પર વાયરલ થઈ રહ્યો છે અને લોકો તેને કોમેન્ટ કરી અભિનંદન આપી રહ્યા છે.26 નવેમ્બર, 2024 આ દિવસે મલ્હાર ઠાકર અને પૂજા જોશી લગ્નના બંધનમાં બંધાશે. વીડિયોની શરૂઆત #MaJaNiWedding હેશટેગથી થઈ હતી અને વીડિયોના અંતમાં લગ્નની તારીખ જાહેર કરવામાં આવી હતી. ઉપરાંત, તેમની લવ સ્ટોરી કેવી રીતે શરૂ થઈ તેની એક ઝલક અલગ દ્રષ્ટિકોણથી બતાવવામાં આવી છે. ફિલ્મના સેટ પરની તે મુલાકાત કોફી ડેટ તરફ દોરી ગઈ અને ધીમે ધીમે પ્રેમમાં પડ્યા પછી હવે બંને 26મી નવેમ્બરે લગ્ન કરી રહ્યા છે.છેલ્લા ઘણા સમયથી ગુજરાતી ફિલ્મ ચાહકોમાં ચર્ચાનો વિષય છે કે ગુજરાતી ફિલ્મ અભિનેતા મલ્હાર ઠાકર લગ્ન કરશે. તો થોડા દિવસો પહેલા તેમના સંબંધોની પુષ્ટિ કરતી એક પોસ્ટ શેર કરવામાં આવી હતી. જેમાં અભિનેત્રી પૂજા જોશીએ ઇન્સ્ટાગ્રામ પર મલ્હાર સાથેનો એક ફોટો પોસ્ટ કર્યો હતો અને તેને કેપ્શન આપ્યું હતું, “તમામ અફવાઓ પર પૂર્ણવિરામ મૂકીને. રીલથી વાસ્તવિક સુધી…તમારા પ્રેમ અને આશીર્વાદથી અમે અમારી નવી સફર શરૂ કરી રહ્યા છીએ!”