કચ્છ
ગુજરાતમાં અવારનવાર આગ લાગવાની ઘટના બનતી હોય છે. ત્યારે કચ્છના ભુજમાં બહુમાળી કચેરીના જીસ્વાન કચેરીના સર્વર રુમમાં આગની ઘટના બનતા જ અફરાતફરી સર્જાઈ હતી. બહુમાળી કચેરીના રૂમ નંબર 303 અને 304 માં વિકરાળ આગ લાગી છે.
શોર્ટ સર્કિટથી આગ લાગી હોવાનું પ્રાથમિક અનુમાન લગાવવામાં આવ્યુ છે. ફાયર ફાઈટરની ત્રણ ટીમ દ્વારા આગ કાબુમાં લાવવામાં આવી છે. સવારે સર્વર રુમમાં લાગેલી આગ પર 2 કલાકની ભારે જહેમત બાદ કાબુ મેળવાયો છે. કચેરીમાં ખુરશી ટેબલ તેમજ રેકોડ બળીને રાખ થઈ ગયા છે. જો કે મળતી માહિતી અનુસાર આગથી કોઈ પણ જાનહાની થઈ નથી.