અમદાવાદ
૧. પ્રવર્તન નિદેશાલય, અમદાવાદ (“ED”) એ બિટકનેક્ટ ક્રિપ્ટો કરન્સી છેતરપિંડીના કેસમાં, પ્રિવેન્શન ઓફ મની-લોન્ડરિંગ એક્ટ, ર૦૦ર (“PMLA”) ની જોગવાઈઓ હેઠળ, ૧૬૪૬ કરોડ રૂપિયા (આશરે) (એક હજાર છસો છેતાલીસ કરોડ રૂપિયા) ની કિંમતની વિવિધ ક્રિપ્ટોકરન્સીના રૂપમાં ગુનામાંથી મળેલી રકમ જપ્ત કરી છે. ઉપરોક્ત ક્રિપ્ટોકરન્સી ઉપરાંત, રોકડા ભારતીય રૂપિયા ૧૩,૫૦,૫00/-( રૂપિયા તેર લાખ પચાસ હજાર પાંચસો માત્ર), એક લેક્સસ કાર અને ડિજિટલ ઉપકરણો પણ જપ્ત કરવામાં આવ્યા છે.
૨. પ્રવર્તન નિદેશાલય એ CID, ક્રાઇમ, પોલીસ સ્ટેશન, સુરત દ્વારા નોંધાયેલી FIR ના આધારે PMLA ની જોગવાઈઓ હેઠળ તપાસ શરૂ કરી છે. PMLA હેઠળ તપાસ દરમિયાન, એવું બહાર આવ્યું કે નવેમ્બર, 2016 થી જાન્યુઆરી 2018 ના સમયગાળા દરમિયાન, આરોપીઓએ બિટકનેક્ટ ના કથિત “લેન્ડિંગ પ્રોગ્રામ” માં રોકાણના રૂપમાં સિક્યોરિટીઝની છેતરપિંડી અને બિન-નોંધાયેલ ઓફર અને વેચાણ કર્યું હતું, વિશ્વભરના રોકાણકારો તરફથી, જેમાં ભારતમાં સ્થિત રોકાણકારોનો પણ સમાવેશ થાય છે.
3. બિટકનેક્ટ ના સ્થાપકે એક અસંગઠિત સંસ્થા નું સ્થાપન કર્યું હતું અને ત્યારબાદ, પ્રમોટરોનું વિશ્વવ્યાપી નેટવર્ક સ્થાપિત કર્યું, અને તેમને કમિશન આપીને તેમના પ્રમોશનલ પ્રયાસો માટે પુરસ્કાર આપ્યો.
૪. રોકાણકારોને કથિત ધિરાણ કાર્યક્રમમાં રોકડ અને બિટકોઇનના રૂપમાં ભંડોળ જમા કરાવવા માટે પ્રેરિત કરવા માટે, બિટકનેક્ટે અન્ય બાબતોની સાથે, એવું પણ રજૂ કર્યું કે બિટકનેક્ટ એક કથિત માલિકીનું “વોલેટિલિટી સોફ્ટવેર ટ્રેડિંગ બોટ” (“ટ્રેડિંગ બોટ”) તૈનાત કરશે, જેનો તેમનો દાવો હતો કે, રોકાણકારોના ભંડોળનો ઉપયોગ દર મહિને 40% જેટલું ઊંચું વળતર જનરેટ કરવા માટે કરશે, અને તેમણે બિટકનેક્ટ વેબસાઇટ પર કાલ્પનિક વળતર પોસ્ટ કર્યું હતું જે સરેરાશ, દરરોજ 1% અથવા વાર્ષિક ધોરણે આશરે 3,700% જેટલું હતું. આ દાવાઓ બનાવટી હતા, કારણ કે આરોપીઓ જાણતા હતા કે બિટકનેક્ટ તેના કથિત ટ્રેડિંગ બોટ સાથે વેપાર કરવા માટે રોકાણકારોના ભંડોળનો ઉપયોગ કરતું નથી, તેના બદલે, તેઓએ રોકાણકારોના ભંડોળને તેમના દ્વારા નિયંત્રિત ડિજિટલ વોલેટ સરનામાં પર ટ્રાન્સફર કરીને તેમના પોતાના ફાયદા માટે અને તેમના સહયોગીઓના ફાયદા માટે ચોરી કરી હતી.
૫. તપાસ દરમિયાન, પ્રવર્તન નિદેશાલય, અમદાવાદ ઝોનલ ઓફિસે આ ક્રિપ્ટો વોલેટ્સના મૂળ અને નિયંત્રકોને છુપાવવા માટે અસંખ્ય ક્રિપ્ટો વોલેટ્સમાં કરવામાં આવતા વ્યવહારોના જટિલ નેટવર્કની તપાસ કરી. એવું જાણવા મળ્યું કે વ્યવહારો શોધી ન શકાય તે માટે ડાર્ક વેબ દ્વારા મોટી સંખ્યામાં વ્યવહારો કરવામાં આવ્યા હતા. જોકે, અસંખ્ય વેબ વોલેટ્સ ને ટ્રેક કરીને અને ભૂમિ પર ગુપ્ત માહિતી એકત્રિત કરીને, પ્રવર્તન નિદેશાલય એ વોલેટસ અને તે જગ્યાઓ પર શૂન્ય-ઇન કરવામાં સક્ષમ હતી જ્યાં ક્રિપ્ટો કરન્સી ધરાવતા ડિજિટલ ઉપકરણો ઉપલબ્ધ હતા. ત્યારબાદ, શોધખોળ હાથ
ધરીને, ડિજિટલ ઉપકરણો મળી આવ્યા અને 1646 કરોડ રૂપિયા (આશરે) ની કિંમતની ક્રિપ્ટોકરન્સી જપ્ત કરવામાં આવી અને પ્રવર્તન નિદેશાલય (ED) ના એકાઉન્ટ ટ્રાન્સફર કરવામાં આવી. ઉપરોક્ત ક્રિપ્ટોકરન્સી ઉપરાંત, રોકડા ભારતીય રૂપિયા ૧૩,૫૦,૫૦0/-( રૂપિયા તેર લાખ પચાસ હજાર પાંચસો માત્ર), એક લેક્સસ કાર અને ડિજિટલ ઉપકરણો પણ જપ્ત કરવામાં આવ્યા છે.
૬. આ અગાઉ, ઉપરોક્ત કેસમાં, પ્રવર્તન નિદેશાલય, અમદાવાદ ઝોનલ ઓફિસે ૪૮૯ કરોડ રૂપિયા (આશરે) ની સ્થાવર અને જંગમ મિલકતો જપ્ત કરી હતી.
૭. ઓનલાઈન સ્ત્રોતો દ્વારા એવું પણ જાણવા મળ્યું છે કે વિદેશી નાગરિકોએ પણ બિટકનેક્ટમાં રોકાણ કર્યું હતું અને બિટકનેક્ટ કેસના મુખ્ય આરોપીની પણ યુ.એસ.એ.માં તપાસ ચાલી રહી છે.
૮. વધુ તપાસ ચાલુ છે.