થાઇલેન્ડ અને કંબોડિયા વચ્ચે સતત બીજા દિવસે પણ ગોળીબાર ચાલુ છે. શુક્રવારે સવારે બંને દેશોના સૈનિકોએ સરહદ પર ગોળીબાર કર્યો હતો. ગુરુવારે, કંબોડિયન સૈનિકો દ્વારા કરવામાં આવેલા ગોળીબારમાં 14 થાઈ લોકોના મોત થયા હતા. જેમાં 1 સૈનિક અને 13 નાગરિકોનો સમાવેશ થાય છે. જ્યારે 10 લોકો માર્યા ગયા હતા અને 10 થી વધુ લોકો ઘાયલ થયા હતા. જવાબમાં થાઇલેન્ડે કંબોડિયન લશ્કરી થાણાઓ પર હવાઈ હુમલા કર્યા અને સરહદ પર F-16 લડાકુ વિમાનો તૈનાત કર્યા. બંને દેશોએ એકબીજા પર પહેલા હુમલો કરવાનો આરોપ લગાવ્યો છે. સંઘર્ષ વચ્ચે થાઇલેન્ડે સરહદી વિસ્તારમાંથી 100,000 લોકોને બહાર કાઢ્યા છે.
વિવાદનું કારણ 900 વર્ષ જૂનું શિવ મંદિર (પ્રાસત તા મુએન થોમ) છે. બંને દેશો તેના પર પોતાનો અધિકાર દાવો કરે છે. આ મંદિર થાઇલેન્ડના નકશા પર હોઈ શકે છે, પરંતુ કંબોડિયા તેને પોતાનો વારસો માને છે. કંબોડિયાના જણાવ્યા અનુસાર, થાઈ સૈનિકોએ ગુરુવારે સવારે 6:30 વાગ્યે મંદિરની આસપાસ કાંટાળો તાર લગાવી દીધો હતો. ત્યારબાદ, સવારે 7.00 વાગ્યે ડ્રોન છોડવામાં આવ્યું હતું અને લગભગ 8.30 વાગ્યે હવાઈ ગોળીબાર કરવામાં આવ્યો હતો. કંબોડિયાના પીએનએસ હુન માનેટે જણાવ્યું હતું કે તેમની જમીનનું રક્ષણ કરવા માટે તેમને બદલો લેવાની ફરજ પડી હતી.