રશિયા અને ચીને UNSCમાં વીટો વાપરી અમેરિકાનો પ્રસ્તાવ ફગાવ્યો (Hormuz Strait UNSC Veto)
દોઢ મહિનાથી બંધ હોર્મુઝ સ્ટ્રેટ હવે અનિશ્ચિતકાળ સુધી બંધ રહેવાની ભીતિ
બહેરીન દ્વારા લવાયેલા શાંતિ પ્રસ્તાવને યુએઈનું મળ્યું હતું મજબૂત સમર્થન
સુરક્ષા પરિષદમાં 11 સભ્યો પક્ષમાં હોવા છતાં વીટો પાવરને કારણે ઠરાવ નાકામ
વિશ્વના સૌથી મહત્વપૂર્ણ દરિયાઈ માર્ગ પૈકીના એક એવા હોર્મુઝ સ્ટ્રેટ [Strait of Hormuz] ને ફરીથી ખોલવા માટેની તમામ રાજદ્વારી કોશિશો અત્યારે નિષ્ફળ સાબિત થઈ છે.
સંયુક્ત રાષ્ટ્ર સુરક્ષા પરિષદ [UNSC – United Nations Security Council] માં આ માર્ગ ખોલવા માટે રજૂ કરાયેલા પ્રસ્તાવ પર રશિયા [Russia] અને ચીન [China] એ પોતાના વિશેષ અધિકાર ‘વીટો’ [Veto Power] નો ઉપયોગ કરીને અમેરિકા અને તેના સાથી દેશોની યોજનાઓ પર પાણી ફેરવી દીધું છે. આ ઘટના એવા સમયે બની છે જ્યારે અમેરિકી રાષ્ટ્રપતિ ડોનાલ્ડ ટ્રમ્પ [Donald Trump] દ્વારા ઈરાનને નેસ્તનાબૂદ કરવાની આપેલી ધમકીની ડેડલાઈન શરૂ થઈ ગઈ છે.
Hormuz Strait UNSC Veto : દોઢ મહિનાથી બંધ છે હોર્મુઝ સ્ટ્રેટ
ઈરાન અને અમેરિકા વચ્ચેના યુદ્ધને કારણે છેલ્લા દોઢ મહિનાથી હોર્મુઝ સ્ટ્રેટ [Strait of Hormuz] બંધ છે, જેના કારણે વૈશ્વિક તેલ પુરવઠો અને વેપાર ખોરવાયો છે. બહેરીન [Bahrain] દ્વારા આ માર્ગને ફરીથી ખોલવા માટે UNSCમાં પ્રસ્તાવ રજૂ કરવામાં આવ્યો હતો. આ પ્રસ્તાવને સંયુક્ત આરબ અમીરાત [UAE] એ પણ મજબૂત ટેકો આપ્યો હતો. યુએઈના વિદેશ પ્રધાન અબ્દુલલતીફ બિન રશીદ અલ-ઝયાની [Abdullatif bin Rashid Al Zayani] એ ભારપૂર્વક જણાવ્યું હતું કે આ માત્ર પ્રાદેશિક મુદ્દો નથી, પરંતુ વૈશ્વિક સ્થિરતા માટે સીધો ખતરો છે.
સુરક્ષા પરિષદમાં હાઈ-વોલ્ટેજ ડ્રામા
15 સભ્યોની સુરક્ષા પરિષદમાં આ ઠરાવ પર થયેલા મતદાનમાં 11 સભ્યોએ પક્ષમાં મત આપ્યા હતા, જ્યારે બે સભ્યો મતદાનથી દૂર રહ્યા હતા. જોકે, કાયમી સભ્ય એવા રશિયા અને ચીને વિરોધમાં મત આપી ‘વીટો’ વાપરતા આ પ્રસ્તાવ પડી ભાંગ્યો છે. રશિયા અને ચીન વોટિંગથી દૂર રહેશે તેવી આશા સાથે ઠરાવમાં અનેક સુધારા પણ કરવામાં આવ્યા હતા, પરંતુ અંતે અમેરિકાની તમામ યુક્તિઓ નિષ્ફળ રહી છે.