Salary Deferred:હિમાચલ પ્રદેશ સરકારે રાજ્યની આર્થિક સ્થિતિને સુધારવા માટે એક મહત્વનું પગલું ભર્યું છે. નાણાં વિભાગે 19મી એપ્રિલ 2026ના રોજ એક નોટિફિકેશન ઈશ્યુ કર્યો છે કે સરકારે મોટી સંખ્યામાં સિનિયર અધિકારીઓ અને કર્મચારીઓના પગારનો એક ભાગ છ મહિના સુધી અટકાવી દેવાનો નિર્ણય કર્યો છે.
સરકારી આદેશ પ્રમાણે આ નિર્ણય મે,2026થી લાગૂ થશે અને સંપૂર્ણપણે હંગામી છે.
તેનો ઉદ્દેશ રાજ્યના આર્થિક સંશાધનોને વધારે સારી રીતે સંચાલિત કરવાનો છે.
આ અધિસૂચનામાં કહેવામાં આવ્યું છે કે મુખ્ય સચિવ, એડિશનલ મુખ્ય સચિવ, પોલીસ વડા (DGP), ADGP, મુખ્ય વન સંરક્ષક સહિત અનેક સિનિયર અધિકારીઓના પગારમાં આશરે 30 ટકાનો ઘટાડો કરવામાં આવ્યો છે.
આ અધિકારીઓના પગારમાંથી 20% રકમ મુલતવી રાખવામાં આવશે
આ ઉપરાંત, સચિવ સ્તરના અધિકારીઓ, વિભાગના વડાઓ, IG, DIG, SP અને અન્ય પોલીસ અધિકારીઓ તેમજ વન વિભાગના વરિષ્ઠ અધિકારીઓના પગારના આશરે 20% રકમ છ મહિના માટે મુલતવી રાખવામાં આવશે.
રાજ્યની સ્થિતિ ઠીક કરવા પગલું ભરવામાં આવ્યું
સરકારે સ્પષ્ટતા કરી છે કે આ રકમ સંપૂર્ણપણે ખતમ કરવામાં આવશે નહીં. ત્યારબાદ રાજ્યની આર્થિક સ્થિતિ ઠીક થાય ત્યારે પરત કરવામાં આવશે. આ મુલત્વી રાખવામાં આવનાર વેતન કર્મચારીઓના પેન્શન, રજાઓના મળતા પૈસા અને અન્ય લાભોનો તેમાં સમાવેશ થશે.
પારદર્શિતાને જાળવી રાખવા માટે આ સંપૂર્ણ સિસ્ટમને ઈ-સેલરી પ્રણાલી અને પે-સ્લીપમાં જોવા મળશે. જ્યારે આવક વેરો, પેન્શન યોજના (NPS/UPS) અને GPF જેવા તમામ વૈધાનિક કાપ સંપૂર્ણ રકમ પર લાગુ રહેશે, જેથી ભવિષ્યમાં કોઈ પ્રકારની ગણતરીને લઈ સમસ્યા ન આવે.
જે કર્મચારીઓ પાસે બાકી લોન ચુકવણી બાકી છે તેઓ તેમના ડ્રોઇંગ અને ડિબર્સિંગ ઓફિસરને લેખિત માહિતી આપીને ખાતરી કરી શકે છે કે ઘટાડો તેમના બાકીના પગારમાં લાગુ પડે છે.
સરકારે એમ પણ જણાવ્યું છે કે સરકારી નાણાકીય સહાય મેળવતા તમામ રાજ્ય બોર્ડ, કોર્પોરેશનો, જાહેર ક્ષેત્રના ઉપક્રમો (PSU), યુનિવર્સિટીઓ અને અન્ય સંસ્થાઓએ પણ આ નિર્ણયનો અમલ કરવો પડશે. એ નોંધવું જોઈએ કે હિમાચલ પ્રદેશના મુખ્યમંત્રી સુખવિંદર સિંહ સુખુએ માર્ચ 2026માં બજેટ રજૂ કરતી વખતે પહેલાથી જ સંકેત આપ્યો હતો કે મુખ્યમંત્રી, મંત્રીઓ અને ધારાસભ્યોના પગારમાં પણ આંશિક ઘટાડો અને મુલતવી રાખવામાં આવશે.