સોનાનો નવો ટાર્ગેટ: 10 ગ્રામના 2 લાખ રૂપિયા?: બેંક ઓફ અમેરિકાના વિશ્લેષકોના મતે આગામી 12 મહિનામાં આંતરરાષ્ટ્રીય બજારમાં સોનું 6,000 ડોલર પ્રતિ ઔંસના સ્તરે પહોંચી શકે છે.
જો આ ગણતરીને ભારતીય રૂપિયામાં જોવામાં આવે, તો 10 ગ્રામ સોનાની કિંમત અંદાજે 2,00,925 રૂપિયા સુધી પહોંચી શકે છે. હાલમાં સોનું 1,51,363 રૂપિયાના સ્તરે બંધ થયું હતું, એટલે કે હજુ પણ મોટા વધારાની શક્યતા છે.
ચાંદીમાં પણ તોતિંગ વધારો: શું 3 લાખનો આંકડો સ્પર્શશે?: માત્ર સોનું જ નહીં, પરંતુ ચાંદી પણ રોકાણકારોને માલામાલ કરી શકે છે. બેંકના અંદાજ મુજબ આ વર્ષે ચાંદીની સરેરાશ કિંમત વધીને 85.93 ડોલર પ્રતિ ઔંસ રહી શકે છે. આ ગણતરી મુજબ ભારતમાં એક કિલો ચાંદીનો ભાવ આશરે 2,84,541 રૂપિયા એટલે કે લગભગ 3 લાખની નજીક પહોંચવાની આગાહી કરવામાં આવી છે.
યુબીએસ (UBS) એ કેમ ઘટાડ્યો ચાંદીનો અંદાજ?: એક તરફ અમેરિકાની બેંક તેજીની વાત કરી રહી છે, ત્યારે બીજી તરફ સ્વિસ બેંક UBS એ પોતાના અંદાજમાં ઘટાડો કર્યો છે. UBS ના મતે રોકાણની ઓછી માંગ અને ખાદાનોમાંથી વધારાના સપ્લાયને કારણે ચાંદીના ભાવ પર દબાણ રહી શકે છે. તેમણે જૂન સુધીનો ટાર્ગેટ 100 ડોલરથી ઘટાડીને 85 ડોલર કરી દીધો છે.
કેમ વધી રહી છે કિંમતો?: કોમોડિટી એક્સપર્ટ્સના મતે વિશ્વની મોટી સેન્ટ્રલ બેંકો અત્યારે ‘રાહ જુઓ અને જુઓ’ ની નીતિ અપનાવી રહી છે. આર્થિક અનિશ્ચિતતાના સમયમાં રોકાણકારો હંમેશા સોનાને સૌથી સુરક્ષિત માને છે, જેના કારણે માંગમાં સતત વધારો થઈ રહ્યો છે.
રોકાણકારો માટે શું છે સંકેત?: જો બેંક ઓફ અમેરિકાની આગાહી સાચી પડે છે, તો આગામી એક વર્ષ સોના અને ચાંદીના રોકાણકારો માટે ઐતિહાસિક સાબિત થઈ શકે છે. જોકે, UBS જેવી સંસ્થાઓના નકારાત્મક અંદાજોને જોતા રોકાણકારોએ બજારની વધઘટ પર પણ નજર રાખવી જરૂરી છે.