BCCI લેવલ-૧ ક્યુરેટર્સ કોર્સમાં ગુજરાતના જયેશભાઈ પટેલે સમગ્ર ભારતમાં પ્રથમ ક્રમ મેળવી રચ્યો ઇતિહાસ,માનદ સચિવ અનિલભાઈ પટેલે જીસીએ પરિવાર વતી પાઠવ્યા અભિનંદન

ગુજરાત ક્યુરેટર જયેશ પટેલ

ગુજરાત ક્રિકેટ એસોસિએશનના અગ્રણીઓ અનિલભાઈ પટેલ અને જગતભાઈ પટેલ સહિત અન્ય હોદ્દેદારોએ જયેશભાઈ પટેલના ઉજ્જવળ ભવિષ્ય માટે અનેક અપેક્ષાઓ અને અદભૂત શુભેચ્છાઓ વ્યક્ત કરી

અમદાવાદ

ગુજરાત ક્રિકેટ એસોસિએશન માનદ સચિવ અનિલ પટેલે જણાવ્યું કે ૧૮ થી ૨૧ ઓગસ્ટ ૨૦૨૫ દરમિયાન નરેન્દ્ર મોદી સ્ટેડિયમ, અમદાવાદ ખાતે આયોજિત પ્રતિષ્ઠિત BCCI લેવલ ૧ ક્યુરેટર્સ કોર્સમાં ભારતમાં ૧ ક્રમપ્રાપ્ત કરવા બદલ જયેશભાઈ પટેલને હાર્દિક અભિનંદન પાઠવું છું.ભારતીય ક્રિકેટ કંટ્રોલ બોર્ડ (BCCI) દ્વારા અમદાવાદ સ્થિત વિશ્વના સૌથી મોટા નરેન્દ્ર મોદી સ્ટેડિયમ ખાતે ગત તા. ૧૮ થી ૨૧ ઓગસ્ટ, ૨૦૨૫ દરમિયાન એક પ્રતિષ્ઠિત ‘BCCI લેવલ-૧ ક્યુરેટર્સ કોર્સ’ નું આયોજન કરવામાં આવ્યું હતું. આ ઉચ્ચ સ્તરીય કોર્સ અને તેની પરીક્ષામાં ગુજરાત ક્રિકેટ એસોસિએશનના જયેશભાઈ પટેલે પોતાની અસાધારણ બુદ્ધિપ્રતિભા અને ટેકનિકલ જ્ઞાનના જોરે સમગ્ર ભારતમાં પ્રથમ ક્રમ (Rank 1) પ્રાપ્ત કરીને સંસ્થાનું નામ આખા દેશમાં રોશન કર્યું છે.જયેશભાઈ પટેલની આ પ્રશંસનીય સફળતા માત્ર તેમની વ્યક્તિગત ઉપલબ્ધિ સીમિત નથી, પરંતુ સમગ્ર ગુજરાત ક્રિકેટ એસોસિએશન પરિવાર અને ગુજરાતના રમતગમત જગત માટે અત્યંત ગર્વની બાબત છે. આ રાષ્ટ્રીય કક્ષાની સિદ્ધિ બદલ ગુજરાત ક્રિકેટ એસોસિએશનના માનદ સચિવ અનિલભાઈ પટેલે સંસ્થા વતી ખુશી વ્યક્ત કરી છે. તેમણે જીસીએ પરિવાર તરફથી જયેશભાઈ પટેલને તેમની આ ઉત્કૃષ્ટ ઉપલબ્ધિ માટે હાર્દિક અભિનંદન પાઠવ્યા છે.એસોસિએશનના અગ્રણીઓ અનિલભાઈ પટેલ અને જગતભાઈ પટેલે, જયેશભાઈ પટેલના ઉજ્જવળ ભવિષ્ય માટે અનેક અપેક્ષાઓ અને અદભૂત શુભેચ્છાઓ વ્યક્ત કરી છે. તેમણે આશા વ્યક્ત કરી છે કે જયેશભાઈ પટેલ આગામી દિવસોમાં ક્રિકેટ ગ્રાઉન્ડ મેનેજમેન્ટ ક્ષેત્રે ટેકનિકલ માપદંડોને વધુ ઊંચાઈ પર લઈ જશે અને ભવિષ્યમાં આનાથી પણ વધુ મોટી રાષ્ટ્રીય અને આંતરરાષ્ટ્રીય સિદ્ધિઓ સતત હાસલ કરતા રહેશે.આ નોંધપાત્ર સિદ્ધિ તેમના સમર્પણ, ટેકનિકલ કુશળતા અને ક્રિકેટ ગ્રાઉન્ડ અને પીચ મેનેજમેન્ટમાં શ્રેષ્ઠતા પ્રત્યેની પ્રતિબદ્ધતાને પ્રતિબિંબિત કરે છે. તેમની સફળતા માત્ર એક વ્યક્તિગત સીમાચિહ્નરૂપ જ નહીં પરંતુ સમગ્ર ગુજરાત ક્રિકેટ એસોસિએશન પરિવાર માટે ખૂબ જ ગર્વની વાત છે.

પીચ મેનેજમેન્ટ અને ટેકનિકલ કુશળતામાં મેળવી સર્વોચ્ચ સિદ્ધિ:

ક્રિકેટની રમતમાં પિચ અને ગ્રાઉન્ડ કન્ડિશન સૌથી મહત્વની ભૂમિકા ભજવે છે, જેના માટે વૈજ્ઞાનિક અભિગમ અને વિશેષ તાલીમની જરૂર પડે છે. જયેશભાઈ પટેલે મેળવેલી આ અદ્વિતીય સફળતા તેમની સખત મહેનત, અદભૂત ટેકનિકલ કુશળતા તેમજ ક્રિકેટ ગ્રાઉન્ડ અને પિચ મેનેજમેન્ટ ક્ષેત્રે શ્રેષ્ઠતા દાખવવાની તેમની પ્રતિબદ્ધતાનું જીવંત પ્રતિબિંબ છે. બીસીસીઆઈના આ કઠિન કોર્સમાં દેશભરમાંથી આવેલા અનેક નિષ્ણાતો વચ્ચે પ્રથમ સ્થાન મેળવવું એ તેમની વિશિષ્ટ ક્ષમતા સાબિત કરે છે.