રાજકોટ શહેર પોલીસ(Rajkot Police) તંત્રમાં વહીવટી કાર્યક્ષમતા વધારવા અને લાંબા સમયથી એક જ સ્થળે ફરજ બજાવતા કર્મચારીઓની બદલીના ભાગરૂપે પોલીસ કમિશનર બ્રજેશ કુમાર ઝા (Brajesh Kumar Jha) દ્વારા વધુ 84 પોલીસ કર્મચારીઓની (Rajkot Police Transfer) આંતરિક બદલીના આદેશો જાહેર કરવામાં આવ્યા છે. અગાઉ 49 પોલીસ કર્મચારીઓને હેડક્વાર્ટરમાં મુકાયા બાદ હવે બીજા તબક્કામાં આ મહત્વપૂર્ણ ફેરબદલ કરવામાં આવ્યો છે.
Rajkot Police Transfer: 3 વર્ષથી વધુ સમયથી એક જ સ્થળે ફરજ બજાવતા કર્મચારીઓની બદલી
પોલીસ વિભાગે તૈયાર કરેલી યાદી મુજબ જે અધિકારીઓ અને કર્મચારીઓ એક જ પોલીસ સ્ટેશન અથવા શાખામાં ત્રણ વર્ષ કે તેથી વધુ સમયથી ફરજ બજાવતા હતા, તેમને પ્રાથમિકતા આપીને નવી જગ્યાએ બદલી આપવામાં આવી છે. આ નિર્ણયથી વિવિધ પોલીસ સ્ટેશનો અને ટ્રાફિક શાખામાં માનવબળનું સંતુલન જાળવવાનો પ્રયાસ કરવામાં આવ્યો છે.
વિવિધ પોલીસ સ્ટેશન અને ટ્રાફિક શાખામાં ફેરબદલ
આંતરિક બદલીમાં એ ડિવિઝન, બી ડિવિઝન, એરપોર્ટ, ભક્તિનગર, ગાંધીગ્રામ, માલવીયાનગર, પ્રધ્યુમનનગર, કુવાડવા રોડ, આજીડેમ, થોરાળા અને રાજકોટ તાલુકા પોલીસ સ્ટેશન સહિત ટ્રાફિક શાખાના કર્મચારીઓનો સમાવેશ થાય છે. મહિલા પોલીસ કર્મચારીઓ સહિત વિવિધ હોદ્દાના અધિકારીઓને નવી જવાબદારીઓ સોંપવામાં આવી છે.
અગાઉ 49 કર્મચારીઓને હેડક્વાર્ટરમાં મૂકાયા હતા
આંતરિક બદલીની પ્રક્રિયા હેઠળ થોડા દિવસો અગાઉ પ્રથમ યાદી જાહેર કરવામાં આવી હતી, જેમાં 49 પોલીસ કર્મચારીઓને પોલીસ હેડક્વાર્ટરમાં ટ્રાન્સફર (Police Transfer) કરવામાં આવ્યા હતા. હવે બીજી યાદી જાહેર થતાં કુલ 133 પોલીસ કર્મચારીઓની બદલીની પ્રક્રિયા પૂર્ણ થઈ છે.
તાત્કાલિક અસરથી નવા સ્થળે હાજર થવાનો આદેશ
પોલીસ કમિશનર દ્વારા જારી કરાયેલા આદેશ અનુસાર તમામ 84 પોલીસ કર્મચારીઓને વર્તમાન ફરજ પરથી તાત્કાલિક મુક્ત કરીને નવા નિયુક્તિ સ્થળે હાજર થઈ ચાર્જ સંભાળવાનો નિર્દેશ આપવામાં આવ્યો છે. આ પ્રક્રિયાથી શહેર પોલીસના વહીવટમાં વધુ પારદર્શિતા અને કાર્યક્ષમતા લાવવાનો પ્રયાસ કરવામાં આવ્યો છે.