એક વાર વિચારીને જુઓ કે સરકાર તેમને ડાયરેક્ટ કહી દે કે ઈમરજન્સીમાં કોઈ પણ સમયે ભાગવું પડશે, એટલા માટે હંમેશા તમારી બેગ તૈયાર રાખો. તેમાં કમસે કમ એક અઠવાડીયાનું રાશન હોય, જે લાંબા સમય સુધી ચલાવી શકાય. બ્રિટનમાં પણ કંઈક આવું જ જોવા મળી રહ્યું છે અને અહીંના લોકોને વોર્નિંગ આપવામાં આવી છે કે તેઓ પોતાના માટે એક કિટબેગ બનાવીને રાખે.તેના માટે તેમને 15 વસ્તુઓની એક યાદી પણ આપવામાં આવી છે, જેમાં એ બધું જ હોય, જે થોડા દિવસ માટે સર્વાઈવલ માટે હોય છે.
હકીકતમાં જોઈએ તો, બ્રિટનમાં એક ડરામણું મૌસમી સંકટનો ખતરો મંડરાઈ રહ્યો છે. મૌસમ વિશેષજ્ઞોએ ચેતવણી આપી છે કે પોલર વોર્ટેક્સમાં અચાનક ઘટાડો આવવાનો છે, જે આ મહિનાના અંત અને ડિસેમ્બરમાં હાડ થીજવી નાખતી ઠંડી લાવી શકે છે. મેટ ઓફિસમાં જ મૌસમ વૈજ્ઞાનિકો અનુસાર, એક અચાનક સ્ટ્રેટોસ્ફેરિક વોર્મિંગ ઘટનાએ પોલર વોર્ટેક્સને મૌસમના આ શરુઆતી રાઉન્ડમાં જ નબળું પાડી દીધું છે અને તેને તોડી નાખ્યું છે. આધુનિક રેકોર્ડમાં આવું પહેલા ક્યારેય જોવા નથી મળ્યું.
કેમ બ્રિટન પર મંડરાઈ રહ્યો છે ખતરો
એક તો પોલર વોર્ટેક્સનો ખતરો અને બીજી તરફ આવી રહેલું તોફાન એ પણ નક્કી કરી દીધું છે કે પહેલાથી કરેલી તૈયારીઓ ફાયદાકારક રહેશે. થોડા સમય પહેલા બ્રિટિશ રક્ષા મંત્રી વેસ સ્ટ્રીટિંગે દરેક ખતરાના નિવારણ માટે તૈયાર રહેવા કહ્યું હતું. તેમાં ઈન્ટરનેટ, પેમેન્ટ સિસ્ટમથી લઈને વીજળી અને સરકારી ઢાંચા પર સાઈબર એટેકનું પણ નામ લીધું છે. આવા સમયે લોકોને કહેવાયું છે કે પરિવારની સુરક્ષા માટે ઘરેથી સૌથી સારો ભાગવાનો પહેલો રસ્તો નક્કી કરો અને કોઈ આસાનાથી મળતી જાહેર જગ્યાનો પ્લાન બનાવી લો.
પોલર વોર્ટેક્સ હકીકતમાં છે શું?
જ્યારે પૃથ્વીના ધ્રુવોની આજુબાજુ ઊંચાઈ પર ફરતી આકરી ઠંડી હવાઓ વિશાળ ચક્રવાત જેવી સિસ્ટમ બનાવે છે તો તેને પોલર વોર્ટેક્સ કહેવાય છે. આ મોટા ભાગે શિયાળામાં વિકરાળ રુપ ધારણ કરે છે અને ઠંડી હવાઓને ધ્રુવીય વિસ્તારમાં બાંધી રાખે છે. જ્યારે તે નબળું પડે છે અથવા તૂટે છે તો તે બર્ફીલી હવાઓ દક્ષિણી તરફ ફેલાય છે અને ભયંકર ઠંડી પહોંચાડે છે. બ્રિટન માટે આ ખતરો એટલા માટે મોટો છે, કેમ કે તે અટલાંટિક જેટ સ્ટ્રીમને બગાડી શકે છે, જે મોટા ભાગે બ્રિટિશ શિયાળાને હળવો અને ભીનો રાખે છે. તેના કારણે શક્તિશાળી અલ નીનો છે, જેનાથી સામાન્ય રીતે શિયાળાનો ખતરો વધી ગયો છે.
સરકારે કઈ કઈ વસ્તુઓ લઈ રાખવા કહ્યું?
સરકારે બ્રિટિશ નાગરિકોને સાવધાની રાખવા અને ઈમરજન્સી માટે તૈયાર રહેવાની અપીલ કરી છે. કેબિનેટ ઓફિસે ઓક્ટોબરના અંતમાં ઈમરજન્સી સ્થિતિઓ માટે ગાઇડન્સ જાહેર કર્યું હતું. દરેક ઘરમાં કમસે કમ ત્રણ દિવસ માટે આ જરુરી સામાન રાખવાની સલાહ આપી છે. જેમાં બોટલબંધ પાણી, ડબ્બાબંધ અને સૂકું ભોજન, હેન્ડ સેનિટાઈઝર, વેટ વાઈપ્સ, બાથરુમનો સામાન, ટોર્ચ અને વધારાની બેટરીઓ, ધાબળા, સ્લીપિંગ બેગ અને ગરમ કપડાં, વીજળી જતી રહે તો તેના માટે એફએમ, ફુલ ચાર્જ પાવર બેન્ક, કેશ પૈસા અને કાર્ડ, આઈડી કાર્ડની કોપી, અને ડાયરીમાં જરુરી નંબર, આ ઉપરાંત ફર્સ્ટ એડ કિટ અને દવાઓ પણ રાખવાની છે. જો બાળકો અને પેટ્સ છે, તો તેના માટે જરુરી વસ્તુઓ પણ સાથે રાખવાની સલાહ આપી છે.